¹ Noo nikai kate ka vino ka liti, eke Tata wa ika mokolo wa iba. ² Metabe yane eya ito ko bota touma, we o ko bukai yoo; n'ndi eya yo ko bota touma o ko endjekai yoo bosaali mbe yabote touma ta buwa. ³ Mbele iseya neese bane ya endjekake mono bane. ⁴ Ikai baka-baka ane, mba bowa ika no nino. Motabe ango omo ite engame bande na ko bota mba ite bakame mo kateka vino. Bane kae boobo, bito kota bite bakame nane. ⁵ Noo, nikai metabe. Moto owa woko bakama nane o ko botai touma ta buwa. Mba n'teike nino bito kota bande mokambo ango omo. ⁶ Moto si owa uto ko ba kameya noo, bo kombalai we mo obandja. Mba bowa bo kombolanga tote takamena mo kaya eke talekana. ⁷ Aika mba baika nane, na looki yane, o ombai tshoose tsheya tsheeme bane eke ba eseka tsho. ⁸ Ise wane wo kolengai mba ba bota touma ta buwa. Na boobo bo ko ebekanai mbe bikai baeki bane ba moboto. ⁹ No ko emangai bane bowa Tata weeme kae noo siyai n'so na n'su bato bane ba moboto. ¹⁰ Aika mba ba litesa ba angile bane ba moboto. ¹¹ No ko ena nino boobo mba ome yane aiyese metema ino. ¹² Angile wane ono:"Emesanai n'nkati ino bowa noo neeme bane". ¹³ Moboto ophe obuande owa moto koakowa kogba bondia binakande. ¹⁴ Bikayi bina kane aika mba bata maondi si maa no ko ebesa bane mo. ¹⁵ N'nto koeta kae bane bakobe, bondia mokobe uto ko ebanga bande bowa eeme Mokota ande kota. ¹⁶ Bane bita sonanga bande noo, ikai noo, noo muneye, na sonanga bane. Na toma bane:"Yaa be botei touma eke neeme tailele". Mo boobo tata o koesai yoose eya bo omba bane mo lina ande". ¹⁷ Angile wane, yoo we ono o owo:"Emesanai n'nkati ino". Bato ba tchese bo kosekai baeki ba Mbali. ¹⁸ Aika mba bato ba tsheesi si tcheno baseka bane, ebahi bosaali mbe ba sekangakai noo booso. ¹⁹ Aikange mba bikahi bato ba tcheno tcheese, mbe bato ba tcheese mbe eme bane. N'ndi noo na sonake bane eke na toesake bane n'nkati yabo. Beseke kae bane. ²⁰ En'nyelea maondi na enanga nino:"Mokobe uto kolongeya bande Mokota ande". Bowa o ba basi; bowa bita akowanga maondi mane, bito kowa bande bane. ²¹ N'ndi bo ko teeleyai boobo bondi yane; bondi ya biteli ande moto si owa watomake noo. ²² Aikange mba n'tilange; mba n'nta besanga bo, mbe bite ike bande na ko beya enekeke bite engame kae ko bungeya ko beya kabo. ²³ Moto si owa o kosenga noo, oseka-kahi Tata. ²⁴ Ko maiso mabo na tangai mekambo ya eme-ema, eya inateleki mono na moto ango omo aikange mba nekakange kotayo mbe bita ike bande na ko beya. N'ndi ba monake mekambo yane n'ndi bo koseka kae noo na Tata. ²⁵ Yo ko telekai mba bowa ika mo ba angile ba bobesekei ande noo buwa isina. ²⁶ No ko tomeya bane mo unehi mo lina Tata, we nde "Mosombo ya phenena" owa o ko moesa ka Tata, mo boobo mo n'nyanga yokula o ko yebisi bato maondi mane. ²⁷ Bane kae bo ko yebesai bato maondi mane.