¹ Na emangi nino maondi si inano, mondia mbele ite ikangi kowa kino m'mboka ya tulama. ² Be ka bengayi ane o malumba makumbe ; na n'nyanga emo ya alake alowa omo wekaisahii ane mo ko kpa na kangeleyo mbele otombesa Mokonga. ³ Na bekatayi boobo, mondia bita ebanga ande Tata ao naho. ⁴ Na enangi nino maondi si mamo, mondia mble, abowa n'nyanga yekaola, be ka engeleyayi mbele na enangi nino. N'ntaenanga ande nino ko makondjekeyo, n'ndia naikangi nino. ⁵ Eneeke naeke ka owa watomanga noo, na ango omo wino nte phipheye ande noo:"Waeke okomi?" ⁶ N'ndi, Mondia na enangi ino maondi si mano, tchombo tcheiya o metema ino. ⁷ Moyoi na enaki nino liti:"Yo koika na isina kowa kino m'mba na aya, mondia aika m'mba na aya, na ko tomeyayi we bane". ⁸ Na n'nyanga yekala we, we kalongeyayi tchese mo eya ye mone ko beya, liti, na lisomi; ⁹ Mo eya mome ko beya, mondia bite akowe ande kowakane; ¹⁰ Mo liti, mondia no kiya ka Tata, na bite ka mona ande noo; ¹¹ mo lisomi, mondia mokota ya tchese si tcheno osomeselekai. ¹² Nika na ma buwa ma ko ena nino, n'ndi bite ke noo bunda ande yo eneeke. ¹³ Abowa mo uneyi we kala, mosombo ya liti, we ka endesai bane n'nkati ya liti woose, mondia ute ke na ena ande n'ndi ande we mune, n'ndi we ka enai yoose sieya wa am'mgbanga yo, na we ka enai maondi si ma mekala. ¹⁴ We ka lombesai noo, mondia we ka bundai eya si eya ika yane, na ko ena nino. ¹⁵ Eya yoose si eya Tata uka na yo iki yane; moyoi na ena ke mbele obundi eya ane, ke wa ena nino. ¹⁶ Mo n'nyanga ka kolokolo, bite ka mone abino noo; na ophe kahe mo n'nyanga ka kolokolo, na be ka monai noo, mondia no kiya ka Tata. ¹⁷ N'ka yo si, baphe baeki na ko yenesana bemine:"isina si uki tchei eya wa ena ke nito; ephe mo n'nyanga ka kolokolo, bite ke na mona abino noho, na Mondia no kiya ko Tata?" ¹⁸ Ba enesanangai:"Isina si iki tchei eya ya enanga we:"Mo n'nyanga ka kolokolo? Titeli abito m'mba wa enangi bo aisi". ¹⁹ Mbali, na ko yeba mbele beeme ko phipheya we, na ko ena nabo:"Bane bo ophiphesana mo eya na ena ke nino:" Mo ephe n'nyanga ka koloko, na bite ka mona a bino noo, na mo ephe n'nyanga ka kolokolo, beka monai noho". ²⁰ Mo liti, mo liti, na enaki nino, bekaeyai na bekaemalai, ke tchese tchekaika na ome; beke ma ikai mo tchombo, n'ndi tchombo tchino tcheka tcha mbokai mo ome. ²¹ Amokali, n'nyanga si eya o bota, o ko ikangi na olombo, mondia n'nyanga ande ya engama ke, n'ndi, n'nyanga si eya amoesake we looba ka maana, ute o kalanga n'nyakae obaba, mo isina ya ome si owa uka na yo, ya moto wa botikake mo tchese. ²² Ane kaye, bika eneke n'nkati ya tchombo; n'ndi neka monai bane, na metema ino ekaikai na ome, na ango omo ute ke na bakae ande ane ome ino. ²³ Mo n'su si, bite ke na phipheya kae noo mo bondi ango ome. Mo liti, mo liti, na enake nino, eya boko o mboka Tata, weka esai bane mo lina ne. ²⁴ Bena ene eke otina ombai abeno mo lina ane. Ombai ke bo opatai, mondia ome ino ya engame. ²⁵ Na enangi nino maondi si mamo o mifomo. N'nyanga ekaola eya n'teke na ena kae nino o miano, n'ndi eya ne ka ena nino phololo n'ndia Tata. ²⁶ Mo osu si, bekaomba na lina ane, n'to ko ena ane mbele no ko ombi na Tata n'ndiya ino; ²⁷ Mondia Tata we mune weeme bane, mondia ane ba emangi noho, ke boyakowi mbele Netoki kowa ka Tata. ²⁸ Netoki kowa ka Tata, ke naala mo tchese; mo eneeke na ekake tchese, naeeke ka Tata. ²⁹ baeki bande na ko ena nane:"Monai, Eneeke o ko ena phololo, na uto ko emanga na mufano ango omo. ³⁰ Mo eneeke Ta yeba ke mbele weli bondi bondi yoose, na wa uwa yabe na n'kasa mbele ango omo wa phipheya owo; yoi te eka kowe mbele wetoki ka Mokonga". ³¹ Mbali na osumboleya bo:"Baakowake eneeke?". ³² Mondia, n'nyanga yaalake, na yaalake seno, eya beka balangah motema moto na okita yande, ke beka ekai noo mune; n'ndi na uwa ane noo mune, mondia Tata uka asima amo nane. ³³ Na enaki nino maondi si mamo, mondia mbele beike na bii n'nkati ane. Beka patai obaba mo tchese, n'ndi ikai na tchekamba, na longoyangi tchese.