¹ Ko tungesa kande ko ena maamo, Mbali wa biangi maiso na kio mo obowa, ke wa ena:"Owe Tata, n'nyanga yaiyanake:Lombesa Manabe, m'mba maana wo olombesa owe". ² Isina mbe weesi we tchekamba kiyo na binakato boose, m'mba wo ko esa bo koika ka ilela baa boose weakese we bo. ³ Oonoi koika ka laya-laya; baebe owe, wika owe omune Mokonga wa liti, na owa wetee noo, Mbali Klisto. ⁴ Noo nelombesei owe mo tchese neiyanesei mekambo weese mbe nete yo. ⁵ Mo enekeke lombesa noo, owe Tata, kowa kabe owe omune, mo looka si oono neike nayo kowa kabe, boso wa koika tchese. ⁶ Neebesei bo lina abe baa bato weese noo nabo kotoka mo tchese. Baikangi bato babe, weesei noo nabo, belitesei looki yabe. ⁷ Enekeke na lembelake, mbe yoose si eya weese noo yatokaki kowa kabe. ⁸ Bondiya moesaki bo maondi weakese noo mo, ba bundake mo, balembelake liti mbe netokei kowa kabe, ba akowake mbe owei wetome noo. ⁹ Noo na ko mboleyake bo, ntekomboleya ane tchese, n'ndi, na ko mboleyaki bano weese noo nabo, bondia bo bikai babe. ¹⁰ Na boose bane bikai babe, na beya babe bikai bane, nane nelombeselekei n'nkati wabe. ¹¹ Noo na buwa kae mo tchese, n'ndi babano bika mo tchese, noo naalake kowa kabe. Owe Tata mopheneni, langa babano mo lina abe weese noo yo, m'mba baike mo m'mba bowatika omo. ¹² Abowa na ikanga asima amo nabo, na langangai bo mo lina abe waesanga noo, na opha ophangi bo, bena buande ango omo wabo si owa welimewe, kosakolo oyo maana wa kolungutana, m'mba mbe maandiko maiyane. ¹³ Enekeke maalake kowa kabe, na maondi si mano na enake mo ambe nikinaika mo tchese, ambe baike na ome yane owa yo ko iyana n'nkati wa bo. ¹⁴ Neesei bo looki yabe, eke tchese tchaseka bo, mo isina mbe bo ba buwande ba tchese, m'mba bowa noo na buwa wa tchese. ¹⁵ Nteombe ane mbe wetoese bo mo tchese, n'ndi na ombaki mbe weekanese na oyo moseyi. ¹⁶ Bo ba buwande ba tchese, m'mba buwa noo na buwa wa tchese. ¹⁷ Tabo mbe baike babe mo m'mboka ya liti. ¹⁸ M'mba bowa wetome noo mo tchese, noo kae natomake bo mo tchese; ¹⁹ na mo isina yabo naikake kae moto wabe, m'mba bo kae batileke koika bato babe mo m'mboka ya liti. ²⁰ N'teombee ane ba bano lika, n'ndi na ombeyakei bena baa bo ko akowa noo ko maondi mabo. ²¹ Boose baike omo, m'mba bowa owe, Tata, uka n'kati wito, m'mba tchese tchokoakowa mbe owei wetome noo. ²² Noo neakesei bo looka si owa weakese noo, ambe baik omo, m'mba bowa base tika omo. ²³ Noo n'nkati wabo, owe n'nkati yane, ambe balangamane mo koika omo , ambe tchese tchaebe mbe wetomei noo, bena mbe wa emangi bo bowa waenanga noo. ²⁴ Owe Taa, baa weesa noo nabo, neemi mbe baike nane asima amo a abowa ika noo, bakokole ko mona ome si owa yane weese noo; mo isina mbe wa emangai noo boso wa makondjekeyo ma tchese. ²⁵ Owa Tata wa tchombo, tchese tchitaebanga ande owe; n'ndi noo naebangai owe, na babano ba ebangai mbe wetemonei noo. ²⁶ Neebesei bo lina abe, na ko ebesai bo yo ephe kae, ambe ko ema ka emanga owe wa ema noo, kaike akati wabo, nane neike akati wabo.