¹ Mbali na kia ko Mokondia ya Olivier. ² N'ndi na m'pendu yoose, waya ephè mo lumba ya Mokonga, ke bato boose ba lulea we; Koika ase wafundisa bo. ³ Bakolo bato ba etanda na ba Falisayo na kula na amokali omo webundeke na ilemba; ⁴ Ke bata we n'nkati ya bato, ba ena mo na Mbali:" Moalimo amokali si oono wa bundekakei mbe oota ilemba". ⁵ Mose, n'nkati ya angile, we akesi base isosa ya koiya bamokali otitaka siono na mawe:"ke, owe, waenaki tchei?" ⁶ Ba enangai boobo mo kosondja we, mbe ba tchongee we. N'ndi Mbali na kotuleka motchwe, na kokpaloa-kpaloa na moneyi we mo n'seke. ⁷ Boa ba ikanga ko phiphéa we, we na koyayoka ke waena nabo:"Owa n'kati ino wa bua na ko bea, walubée we iwe boso". ⁸ na ko tulama ephè, ke wakpaloa-kpaloa mo n'seke. ⁹ N'nyanga en'ngbe bo boobo, benyelea n'nkati abo, ba sumboka omo na omo, ko lingana bakolo bato ena banuke; ke Mbali wasia omune na amokali si oyo. ¹⁰ Wa yayoka, wa mona lika amokali, ke Mbali na koena nande:" ¹¹ Amokali, n'mba baa bo ositakanga se owe? Ango omo utesome nabei?" ¹² Wa sumbola:"Iyani mokolo. Ke Mbali na koena nande:" noo kae, n'tosoma ane nabe ya, bua kae kota ko bea ephè. Mbali na koena nabo ephè, weembe:" Niki looba ya tchese; owa o ko onda noo uto koenda ande mo iphue, n'ndi okoikai na looba mo n'nyanga yoose". ¹³ Mo awo, ba Falisayo na koena nande:"Otondea owomune; kotonda kabe kauwande ka liti". ¹⁴ Mbali na ko sumbiolea bo Ango boa nootonda bondiane noomune, kotonda kane kikai liti, bondia neli koa ketoke noo na koa kokia noo; n'ndi bane, biteli bino koa kile noo ango koa kokia noo. ¹⁵ Bo obuka bondi mo ko mona mobe, noo, n'to obukea ane moto bondi. ¹⁶ N'mba na bukea moto, kobuka kane kiki ka liti, bondia na uwane noo mune; n'ndi Tata owa wetome noo uka nane. ¹⁷ Eneke mo angile wino mbele kotonda ka bato babe kefoei; ¹⁸ Nootonda bondiane noo mune, ke Tata owa wetome noo otondea kae noo. ¹⁹ Beana iki nande:"So ukiani?" Mbali wa sumbola:"Bite liabino noo, ango Tata. beebangi noo, mbe ba ebaki kae Tata. ²⁰ Mbali waena maooki si mano, n'nkati ya lumba ya Mokonga, asima siowa wa beeya; ke moto ango omo uta bundanga ande we, sisna mbele n'nyanga yande inaengami. ²¹ Mbali waena nabo ephè:"naeke, ke bo ophani noo, ke bo okpai n'nkati ya ko bea kino; bite engame bino kia koa kokia noo. ²² Mo yo, ba Yuda na koena:" Okoiyai mobe ande omunei, mo boa aenakewe mbe: bite engame bino kia koa kokia noo?" ²³ Wa ena nabo: bikai ba kose, noo, nikai wa kio. Bikai ba tcheno tchese, noo, na uwane wa tcheno tchese. ²⁴ Yooi na enanga ase nino mbe bo okpai n'nkati ya ko bea kino; aika m'mba bite akoe boa ika noo, bo okpai n'nkati ya ko bea kino. ²⁵ Owei nani? Bo na ko phiphéa we. Mbali wa sumbolea bo: "Eya no koena nino ko makonjekeo. ²⁶ Nika na maondi mabua ma koena nino bena ko bukea bane bondi; n'ndi owa wetome noo wefoei, ke eya en'ngbe noo koa kande,no koena yo mo tchese. ²⁷ Bita ebanga bande m'mba o ko ena nabo bondia Ise. ²⁸ Mbali wa ena nabo:"Aaboa bekalombesa Mana Moto; ke bekaebai m'mba niki nani, ke n'to ota tchesima bondiane noo mune, n'ndi noo ko ena m'mba boa Tata we ebese noo". ²⁹ Owa wetome noo uke nane; uteeke ande noo mune, isina mbe no ota n'su yoose eya eyakoleke nande. ³⁰ Mbe Mbali wo koena boobo, ke ba bua ba akoa we. ³¹ Ke waena na Bayuda baa ba akoanga n'ndia we : M'mba bailela n'kati ya maoki mane , bokoikai na liti baeki bane ; ³² Bo koebai liti ke liti okandoi bane . ³³ Ba sumboleya we : Tikai liboti ya Apalayama tita ikanga abito bakobe ba moto , boni okoena owe mbe : Bokoikai na ome ? ³⁴ Liti , na liti , naenake nino , Mbali wasumbolea bo , owa okoaba koika kande mo kobea , uki mokobe wa kobea . ³⁵ N'ndia , mokobe uto koilelangande mo lumba ; n'ndi maana i okoilelanga . ³⁶ M'mba maana waondesa bane , bo okondeseleki liti . ³⁷ Neli mbe bekai liboti ya Apalayama ; n'ndi bophaneya noo kokpa , mon'ndia looki yane ebuande n'nkati ino . ³⁸ No koena ma nemone ka Tata , ke bane , boota ma ben'ngbe ka ise ino . ³⁹ Baena nande : Ise wito , uki Apalayama . Mbali waena nabo : M'mba beikange bana ba Apalayama , mbe beti mekam,bo ya Apalayama . ⁴⁰ Moeneke bophana koiya noo , noo siowa neene nino liti owa nen'ngbe ka Mokonga . nayo , Apalayama uteande yo . ⁴¹ Bo ota mekambo ya ise ino baena nande : Tawabito bane bande ; bakaowa n'ndi tiki Tata omo , Mokonga . ⁴² Mbali nakoena nabo m'mba Mokonga waikange ise wino , m'mbe boemi noo , bondia kowa kande netoke ke lilei ; ntile ane noo mone , n'ndi wei wetome noo . ⁴³ Mondia tchei beto fofoa maoki mane ? bondia bito koun'ngba bino looki yane . ⁴⁴ Bikai na Ise wino diabele , ke bemi koengasa n'kasa ya ise wino . Oiki moiyi kolinga makondjekeo , owaande n'kati ya liti bondia obuande na liti n'kati wande . Abowa okoena we olanga okoena moisina ande ; bondia uki moto wa olanga ke isa olanga . ⁴⁵ Ke noo , bondia no koena liti biteakowe bino noo . ⁴⁶ Nani wino okelesa noo mo olanga ? m'mba naena liti bondia tchei bito koakoa noo ? ⁴⁷ Owa uka wa Mokonga okon'ngbai maoki ma Mokonga ; bito koun'ngba abino noo , mondia bo wabino wa Mokonga . ⁴⁸ Bayuda na kosumboleya we : Tabuwa na saiya wa koena mbe uki Mosamaliya , n'ndia uka na mesombo ya beya ? ⁴⁹ Mbali na kosumboleya : Na uwane na mosombo ya beya ; n'ndi no litosa Tata , n'ndi bane bete litose abino noo . ⁵⁰ N'to phana ane okuku yane ; ika na omo siowa ophana na kobuka bondi . ⁵¹ Liti , liti , naenake nino , mba moto walanga maoki mane uto mona ande kokpa . ⁵² Eneke Bayuda na koena nande , taebake mbele uka na mopsombo ya beya . Apalayama wekpei na balondoi kaye ke owe : Moto walanga maoki mane , uto mona ande kokpa . ⁵³ ukai kiyo ya ise wito Apalayama , owa wekpe ? na balondoi kaye bekpe . Owei nani ? ⁵⁴ Mbali wasumboleya : M'mba nalomba noo mune , okuku yane ikai bule Tatai olombesai noo , wei owa bokoena mbele uki ise wito , ⁵⁵ iki mbele biteli abino we . Mo noo neli we ; ke , aikam'mba neenange m'mbe niteli ane we no towanyanyi nino , moto wa olanga n'ndi neli we , ke nelange looki yande . ⁵⁶ Apalayama ise wino , waikangi na kolengeya mo komona n'su yane ; wai yangi na ome . ⁵⁷ Bayuda na koena nande : unaiki abe na bemo n'kama itano we moni Apalayama ! ⁵⁸ Mbali waena nabo : liti , liti , naenake nino , boso na Apalayama naikangai . ⁵⁹ Kiyo nayo babiya iki mawe mbe balubeye we ; ndi Mbali waisama , na komoka mo lumba ya Mokonga .