¹ Maili na ééyo, Mbali wa timbangai mo Galilea, uta émangandé ko tchumana n'nkati ya Yuda, bondia ba Yuda ba phanangai koiya we. ² Tchombe tcha ba Yuda, tcha boikaneo ya ba Tondoli tcha ikangai aiye-iye. ³ Ke bana ba nina baena nandé:"Toka ano, yaa mo Yuda, mbe baeki babe bamone kae mekambo sieeya yo ota owe. ⁴ Moto ango omo uto tangande bondi mo kaisama, aika m'mba weeme komeneka; Aika m'mba wata maondi si ma amo, owe omune moneka mo tchese". ⁵ Bana ba nina kae bitaa ko angande we. ⁶ Mbali na koena nabo: "N'nyanga yane itinaengali bande, n'ndi eeya ino ya engamake. ⁷ Tchese tchi toseka ande bane, n'ndi tchese ke noo, bondia no tonda mbele mekambo ande yébéei. ⁸ Bane, yaai mo tchéombé si étcho; noo, n'tokia ane, bondia n'nyanga yane iti na engami ande. ⁹ Maili na koena nabo boobo, ke wasia mo Galilea. ¹⁰ Aaboa iye bana ba nina mo tchéombé, we kae waya tchea tchande omune, mo kaisama, bua mo komoneka. ¹¹ N'nyanga ya tchéombé, ba Yuda ba ikangai na kophana we, ke ba enangai: "ukai ani?" ¹² Ba bua ba ikangai na ko suma-suma bondia ande n'nkati ya ibamba. Baphe ba enangai:"Ukai moto mosaali". Baphe ba enangai:"Iyani, o okesa bato". ¹³ Moto ango omo, uta enanga ande phololo mo isina ande, bondia kotina ba Yuda. ¹⁴ N'nyanga ya tchéombé, Mbali na olinya mo lumba ya Mokonga. Ke wa omesangai. ¹⁵ Ba Yuda ba sangangai, ba ena:"wa ebaki maondi si mano booni, mbele ute some? ¹⁶ Mbali na ko sumbolea bo maondi mane mitetoke ande koakane, n'ndi koa ka owa wetome noo. ¹⁷ M'mba moto wa ema kota n'kasa yande, o ko ebai m'mba maondi mane miki ma Mokonga, ao m'mba no koena bondia Mokota yane. ¹⁸ Owa o ko ena bondia mokota ande o ophana okuku yande wemune; n'ndi owa o ophana okuku ya owa wetome we, ooyo wefoei, ke kobea ka uwa ande koakande. ¹⁹ Mose uta akesanga bane ba angile? Ango omo wino ute tangane ande nabo. bofani koiya noo bondia chei? ²⁰ Ibamba na ko sumbolea we:" Ukai na mosombo a bea. Nani o ophana na koiya owe? ²¹ Mbali na ko sumbolea bo:"nataki mokambo omo, ke bane boose ba sangala. ²² Mose wa enangai nino mbele bebukesi tchoo, bua n'mba chetoki koakande, n'ndi tchetoki ko melombia ino, ke ba buka kae moto tchoo botu-a-ko omona. ²³ Aika m'mba moto wa bukeka tchoo botu-a-ko omona, bondia angile wa Mose ute phendekangi, bosomeai chei boa na ondesake moto motondo botu-a-komona? ²⁴ Buai ko sambesa mo kolengesa, n'ndi sambisai boa ika liti. ²⁵ Bato bamo ba Yelusaleme ba enangai:"Auwa owa bo ophana koiya we oyoi? ²⁶ Monai o ko ena chande, ke bito ota ango we tchesima. Mekota yeliandé mbele ukai Klisto? ²⁷ O ono, teli we, n'ndi Klisto, abowa ekala we moto ute kaebi bande". ²⁸ Ke Mbali wa ebesanagi mo lumba ya Mokonga mbe oosula:"beli noo, ke beli kae bowa ika noo!" N'tile ane bondiane noo mune: "N'ndi owaa wetome noo okai mosaali, eke, biteli bino we. ²⁹ Noo, neli we; bondia netoki koa kande, ke wei watomake noo". ³⁰ Baphana mo iki ko bundesa we, ke moto ango omo wa buande kokola we, bondia n'nyanga ande ita engamanga ande. ³¹ Ba bua n'nkati a ibamba ba akoa we, ke baena:"Klisto, aboa ekala we, ootai maondi ma bua ma kosangalesa maa mitetè oonoi?" ³² ba Falisayo ba n'ngba moo boa osuma-suma ibamba mo isina ande ko maondi si. Ke mekota na ba Falisayo na otoma bato ba mekambo mbe bakande we. ³³ Mbali na koena:"Nika nino n'nyanga kakolo-kolo, eke nokiai ka owa wetome noo. ³⁴ Be kaphanai noo ke biteka monii bino noo, ke bito okola bino kia koa kekaika noo. ³⁵ Mo isina si ba Yuda ba enesana:"Okayai koni, koa tito mona we? Okenayai koa ke balangane ba Giliki? Ke we ka fundisai boi? ³⁶ Looki siono aenake we ikai na eni isina:"Bekaphanai noo ke bite ka moni bini noo, eke,bitekai koa ko koika noo?" ³⁷ Botu ya maili, botu aema ya tchéombé, Mbali na koimana, waakaya:"owa uka na n'kasa, wale koa-kane, ke oomai. ³⁸ Owa okoakoa noo, maale masaali mo ko omokai koa kande boa eeneke mo toani ta ilonga. ³⁹ Waena eeyo o mosombo eka n'ngeleai baa beka akowawe; bondia mosombo inyangai si, bondia Mbali uti na lombeseki. ⁴⁰ Bato ba ibamba, na ko n'ngba maoki si maamo, bo na koena:"liti oono uki moekié. ⁴¹ baphe na koena:"Ukai Klisto. ke baphè kae mbe:"n'ndi mbele Klisto we engame kula mo Galilai?" ⁴² Kaani ka ilonga kiteene moo mbe ko mosolo ya Tawiti, ke mo ka motanga ka Beteleme, koa kaikanga Tawiti, i Klisto okula?, ⁴³ Mo boobo ko asoa na ka n'ngea n'nkati yabo. ⁴⁴ Bamo n'nkati yabo baema kobunda we, n'ndi ango omo ute teandekaoko kio nande. ⁴⁵ Ke bato ba n'kasi ba sumboka mo ko mekota yabo na ba Falisayo. Ke baabo na koena:" Bondia tchei bitile nande?" ⁴⁶ Bato ba n'kasi na kosumbola:"Moto ango omo uteene ande m'mba moto si ono". ⁴⁷ Ba Falisayo na kosumbolea bo:"N'ndi mbe bane kae, bakésélékaki nandei?" ⁴⁸ Ika na mekota ango ba Falisayo omo wa koakoawei? ⁴⁹ N'ndi ibmaba sieyo iteli ba angile bikai baa beaéleke! ⁵⁰ Nikodeme, owa ule na botu ka Mbali, ke wa ikanga omo wabo, na koena nabo:" ⁵¹ Angie wito okandi moto ango mbele bina n'ngbi tchea tchatake wei?" ⁵² Bo na ko sumbolea we:"Uka-kai mo Galilai? Enyelea, ke o omonai mbe mo Galilai ito ko omokande motondoli". ⁵³ Ke omo na omo na ko sumboka mo lumba yande.