¹ Maili ya aowo, Mbali na kokala obalu ya okonge ya iyaba ya Galliza, ololu ya Tiberide. ² Metuka ya bato na ko ondawe, boondia ba monangai ephembe ya bowa mo ko ondesa noo ya bowa. ³ Mbali na baeki bande na kiya koika ko mokondi, ⁴ Mbe tchembo tcha pasaka aa ba Yuda wa ikake aiye - iye. ⁵ We na ko kandoa maiso, we na ko mona motuka ya ema ya bato na ko luleya we, Mbali na ko ena na Philipe:"Ami asima wengame base kuowa mapa ma bato si bano baange? ⁶ Wa enangai boobo mo kosonja we, bondia ba banga eya wa emanga we nakota. ⁷ Philipe na koena nande:"Mekati ya mia ibe, ito ko engamesa moto na moto n'nkati ya nguma ya bano bato". ⁸ Andele, mana-nuna wa Simona - Petele na ko ena mande. " ⁹ Abono, maana amo wika na mekati itano na tonuku tobe nta nfe, eke yoolai tchei moeno nguma ya bato?" ¹⁰ Mbali na ko ena na bo:" Taai boose baihe ase. Mo bokikaneo si aikangai na ase, baome lika elefu ikano. ¹¹ Mbali na ko biya mekati, we na kombo wa Ise eke wa banyea boose baa bakanga ase, we na koesa kae boo nfe, bowa aemanga moto na moto. ¹² Boose na koika eke wa ena na baeki bande, kongowai eya yasiyake, mbe ango kanuku kiteseyangi ase. ¹³ Bo na ko kongo wa, kaiyesa tolinga ikami na tobe na mekati eya ya tunake bo. ¹⁴ Bato si na ko mona bondi aema owa atake we, boose na ko akowa liti mbe:"wikai moeke owa wa enekanga mbe okaloi mo tchese. ¹⁵ Mbali na koela mbe, beeme kaluleya we, mbe bate we mokota abo, we nakotoka na kosumboka kiyo na mokondi. ¹⁶ Na nyanga ya iyo, baeki bande kophana we mo nkonge ya Iyaba. ¹⁷ Bo na kongeya mo mbele-mbele mokiya mo Capernaumu. Boya iphue aikanga Mbali uta ondanga kae kae bo. ¹⁸ Mophopho na ngumba na konyengeza iyaba. ¹⁹ Bo na ko ekama n'nkati ya iyaba mao n'kama ibe ango n'kama isato, bo na ko mona Mbali mbe wo ko enda kio na maale, eke bo na koika na bowa, bo na kotina. ²⁰ Mbali na ko ena nabo, bowai kotina, ikai noo. ²¹ Bo na koema ko onda we mbe bangese we mo mbele. ²² Motuka ya bato owa asianga mo okonge, na ko mona mbe ophe mbele-mbele uta ingaena boobo Mbali uta ngeyanga bande mo ophe mbele-mbele mo ko sangela bo ophe obalu ya iyaba. Boo ba yangai bemine lika. ²³ Na opendu si, bowa baphe ba tchombo ba komanga mo Tiberiade, baka na boikaneo si owa ba anganga mokati maili yayo ko lipheleka na mokolo. ²⁴ Bato ba motuka si ba buwa ko mona ango mokolo, ango baeki bande, eke bo na koemeya mo ba tchombo eke baya mo Kapernaumu mo kophana Mbali. ²⁵ Bo na ko sangela we, kpaaya na iyaba ya ema eke ba ena nande, ene nyanga wa komake ano? ²⁶ Mbali wa ena na bo, mo liti, na ebasake bane, buande bondi ya ko sangala maondi si ba monake n'ndi bo ko onda no ikai bondi ba angake na baikotake ndi bo ko onda noo. ²⁷ Tai mekambo bo buwa bondi ya meleli owa yo ko bowa ko ko mesolo n'ndi bondia moleli owa ya kiolela n'nsu yoose, owa Mana-Moto wokaesai bane, yoi Mokonga wotelee bane. ²⁸ Ba ena nande," tele bo bomi mba to ota mekambo ya Mokonga?" ²⁹ Mbali na ko ebesa bo: "Mokambo ya Mokonga yo ikai, kowakowa owa we watomanga we". ³⁰ Oni bondi yatake owe mbe teakowe watake mono tchei? ³¹ Ba ise bito baangai moleli mo obandja ya tolungulungu, bowa eya yeene keleke mo towaami waesa bo mokati ya obowa mbe baange yo. ³² Mbali na ko ena nabo:"Mobiti na liti nokoenai ninoo, Mose witaesanga ande bane mokati ya obowa". N'ndi Ise wane, wokoesai bane moleli ya liti ya obowa, ³³ Bondia mokati ya Mokonga n'ndi owa étoke kio, owa o koesa tcheondesa mo tchese. ³⁴ Eke baena nande:"Mokolo, aese base mokati si". ³⁵ Mbali na ko ena, noo nikai mokati ya tcheondesa woose owa wokonda noo, oto koika kae na ndja na owa wokoakoa noo uto kongea kae cheema cha maale. ³⁶ N'ndi, na enake nino, owa wa monake noo eke bito koa-koa noo. ³⁷ Boose baa Tata ba esake noo, bokondai noo eke n'tokokenga bane moto owa okula kowa kane. ³⁸ Bondia nilei kotoka mo obowa, bowande mbe mete eya yeeme noo, n'ndi eya yeeme owa watonanga noo. ³⁹ Tcheema tcha owa otome noo tchikai mbe moto woose wa onde mbe neimole we mo botu aiko. ⁴⁰ Tcheema tcha Tata tchikai mbe woose owa we mona noo na kowakoa noo waika na tcheondesa tcha seko mba nekaimola we mo botu aeko. ⁴¹ Ba Yuda na ko ima-ima, mo bowa aenake mbe:"mikai mokati si owa etoke kio". ⁴² Eke baena:"Amine oono ikai Mbali, Mana ya Yosefa, owa tele Ise na nina? Bondia chei we mbe otokei kio?" ⁴³ Mbali na koena nabo:"Bowai kama -ima bane mine". ⁴⁴ Ango omo uto ko onda bande noo, aika mba Tata witeete we ena ne kamolai we mo botu aiko. ⁴⁵ E andikeleke na baeki:"Boose baeki ebeselekai na Mokonga na woose owa wangabake Ise waongbake mesao yande we wo kondai noo. ⁴⁶ Ikai mbe ango omo utemone Ise, ikailika owa otoke ka Mokonga oyo wa monake Ise. ⁴⁷ Moliti, mo lliti naenake nabo woose owa okoa-koa noo wika na ko onda ka n'nsu yooose. ⁴⁸ Nikai mokati ya tcheondesa. ⁴⁹ Baise bino baangai mane mo obandja ya tolungu lungu ena bangbake mono. ⁵⁰ Noohi mokati etoke kio, woose okanga yo utekagbi bande. ⁵¹ nikai mokati ya tcheandesa owa etoke kio woose owa wokaanga yo, utekagbi bande, mokati a owa okesa noo, ika monuku ya mobe yane owa nekaesa bondia tcheondesa ya tches. ⁵² Aowa, ba Yuda ba ena ena bemune n'nkati yabo:"Omi namuna wengame na koesa base monuku ya mobe yande, mbe teange yo?" ⁵³ Mbali na koena nabo:"moliti, moliti, nanenake nino, aika mba biteange monuku ya mobe yane, bikoika na tcheondesa, bane mine". ⁵⁴ Woose o koanga monuku ya mobe yane nokoma mokuya beyane eke, nekaimolai we mo botu aiko . ⁵⁵ Bondia mobe ane ikai moleli jaliti na mo keya yane ikai maale ma liti. ⁵⁶ Woose owa o koanga mobe na koma mo keya yane, okaikai n'nkati yane. ⁵⁷ Mba Ise wane wika wa tomangai noo, boobo, woose owa o koanga noo okaikai n'nkati yane. ⁵⁸ Mo boobo ika mokati owa etoke kio, bowa ande mba bowa aanga ba Ise bino mane eke bo na kogba, woose owa wo koanga mokati si oono ane, olekagbi bande. ⁵⁹ Mbali wa ebesangi maondi si mano mo lumba ya Mokonga, kowa mo Kaparnaumu. ⁶⁰ Ba buwa n'nkati ya baeki bande na ko ena ena," maoki si mano mekobe, nani okokola moo?" ⁶¹ Mbali we omone noo ko mona mbe baeki bande, bo koema ena n'nkati yabo eke waena bondi si ono o kotinesa bane? ⁶² Abowa eka mona bane Mana-Moto kulinya kowa aikanga we boso? ⁶³ Ikai Mosombo o koesanga tchekamba mobe itotanga bande tchesima maondi se ba ebeleseke nane mikai Mosombo na tcheondesa. ⁶⁴ N'nkati ino, ba buwa bito koa koanga bande bondia Mbali wa etangai kolinga boso, baa bite kaako we ena waeba kae owa okaolesa we mo kogba. ⁶⁵ Bondi si owo aenanga noo mbe ango omo ute kaonda noo aika mba ute koleke na Tata. ⁶⁶ Kolinga aowo eke ba buwa n'nkati ya baeki bande ba lomoka-lomoka na koeka ko onda we. ⁶⁷ Mbali na ko ena na Baeki:" bande ikomi na babe. Eke bana, bite eme bande kiya mba bina kinoi?" ⁶⁸ Simoni-Petele na koena nande:"Mokolo, tokiya ka nani? Wika na maondi ma Tcheondesa, ⁶⁹ Ta akoake mono mbe wikai Klisto, mopheneni wa Mokonga". ⁷⁰ Mbali na ko ebesa bo:"Buande nooi nesone bane ikomi na babe, omo wino wika ikiyo?" ⁷¹ Wa enangai, bondia Yuda IKariote, bana Simona, bondia weye uka olesa we, we omo wa baeki ikomi na babe.