¹ Maili ya aowo, aikangai na tcheombe tcha ba Yuda eke Mbali na kiya mo Yerusalema. ² Mbe mo Yerusalma, baka na molango ya mekoko, aikangai na kasowe kaetekangai na boeneli ya Hebrania Bethesaida, aikangai na beikaneo itano. ³ Mo beikaneo si beebo, bato banso baikangai na koika ko, bato ba kokpa maiso, ba beluko, bakpe mba mao na maako, baikangai na koenda ko n'nyengenya ka maale. ⁴ Bondia Mosombo osaali aikangai na kula nyanga yoose mo boikameo si owo, eke moto woose wa oso owa wo ko tchubeya boso, wee na ko onda, ango oso aika ya ema. ⁵ Aowo, moto omo wa ikangai na oso ya beemo n'kama isato na tchenana. ⁶ Mbali na ko mona we mbe olame ombe neli mbe wika na oso yanso ya buwa eke wa phiphea we:"Weemei koondai?" ⁷ Oyo moto wa oso na kotimbola we mbe:"Mokolo, nobuwa bane na moto mo kombola noo mo tcheliba nyanga si eya maale mo ko uloka, mo nyanga si eya yo koema noo kotchube, ophe moto owa uka na tchekamba we na ko n'ngeya boso wae". ⁸ Imana, Mbali, na koena nande eke wpe na koenda. ⁹ Mo nyanga si eyo moto si oyo na ko ena, na ko biya kiloko tchande eke we na koenda. ¹⁰ Aikanga botu ya ko omona, ba Yuda na ko ena na mutu si oyo; moono botu, ika motu ya ko omone, ubowa bande na isosa ya kobeya keluko tchabe. ¹¹ We na ko ena nane:"Biya itanda yabe na enda kio". ¹² Ba phiphea we:"Oni moto wa enake nabe:"biya itanda yabe na enda?" ¹³ N'teli bane lina ya moto si owa wa ondesake noo, bondia Mbali walimokangai, eke bato si baa baikange asima si aowo. ¹⁴ Maili si, Mbali wa keya ko mona moto si oyo n'nkati ya lumba ya Mokonga eke ephe, mbe ite luleangi kophe ko beya. ¹⁵ Moto si oyo na kiya eke wa ena na ba Yuda mbe aikanga Mbali we waonde. ¹⁶ Mo isina si eyo n'ndi ba Yuda ba ondesanga na Mbali mbe baiye we, bondia wa ondesangai moto wa oso, mo botu ya ko omona. ¹⁷ Mbali na ko ebesa bo:"Tata wokota mekambo ena botu amo ono ya moono botu eke noo kae, neengamei nete kae mba Tata. ¹⁸ Mo boobo, ba Yuda na kophana bondi ya koiya we, bande bondi wa ondesangei moto, botu ya ko omona n'ndi bondi we o koetanga Mokonga mbe ukai Ise, Owa o bote we eke wokoena. Kae mbe wikai mba Mokonga. ¹⁹ Mbali na ko ena nabo:"Moliti, moliti na enake na be; maana ute engame we, wo otai ike ande eya omona ka Ise, Mana Bokota kae boobo. ²⁰ Bondia Ise weeme maana, eke we na koesa maana eya yokota we-we wo komoesai mekambo ya ema - ema ke eya yo ko mona bane, mbe beike mo ko sangala". ²¹ Bondia, bowa Ise o ko imolanga ba kpi eke wa sumbolea bo o oya, ena maana o koesangai o oya ka moto si owa we weeme. ²² Tata uto kobukea moto bondi, n'ndi weesei booko yoose ka maana. ²³ Mbe boose ba lombese Maana, bowa bo ko lombesanga Ise. Owa uto ko lombesa maana, ike mbe uto ko lombesanga bande Ise owa otome we. ²⁴ Mo liti, mo liti na enake nabe, owa o ko n'ngba looki yane, uke o ko litona owa wotome noo, o koikai na n'nsu ya bowa mo tchese ena uto koeta bande mo kosomba, n'ndi oketai mo kogba moko. ika na n'nsu ya bowa mo tchese. ²⁵ Mo liti, mo liti, na enake nabe; nyanga yalake, eke yalake mono, abowa ba kpi bekan'ngba looki ya Mana Mokonga ena baa lekan'ngba yo, bekaikai na n'nsu ya buwa mo tchese. ²⁶ Bondia, bowa Tata uka na koika n'nkati ande omune, boobo kae wesei ka maana koika kane omune. ²⁷ Ke weesei we bokota ya ko baanya, bondia ukai Mana Moto. ²⁸ Bauwa kosangala mo eeyo; bondia; nyanga yokula mo boose si baa bika n'nkati ya toboli bo ko n'ngbai looki yande, ke bo ko omo kesanai. ²⁹ Baa bate kophowa bo ko imokai n'nkati ya ba kpi bondia koika, n'ndi baa bete ko beya bo komoka n'nkati ya ba kpi bondia kosamba. ³⁰ Noo mune ntota kae tchesima:"Mo eya yo ko n'ngba noo, no baanyai; ke ko baanya kane kikai tcha, bondia n'tophana ane nkasa yane, ndi nkasa ya owa wa tomanga noo". ³¹ M'mba noo mune na ebesa boyaeli yane noo mune, boyaeli yane yauwande liti. ³² Aika ophe wa ebesa boyaeli yane, ke nelimbe boyaeli siowa o ko ena we mo isina yane ikai. ³³ Ba tophangai kowa ka Yowani, ke wa ebesangai boyaeli mo tcaa. ³⁴ Mo isina yane yauwande ka moto n'ndi na bunda ke boyaeli; n'ndi no ko ena mano mbele bane beonndei. ³⁵ Yowani wa ikangai ntala yaa kowa kana k mo isina ande, ke bane ba emangai kelengea nyanga emo mo liangangi yande. ³⁶ Noo, nia na boyaeli ya ema ko etea bowa eli bane ka Yowani; bondia mekambo sieya yeese Tata waesa noo mo ko engamesa, mekambo sieyo kai noo nota yo, beyaeli bane ko moesa mbe Tata wetome noo. ³⁷ Ke Tata owa wetome noo weebese omne boyaeli yane. Bane biti nan'ngai moanga looki yande, biti na moni moango tchondi tchande, ³⁸ ke looki yande yauwa ango n'nkati ino, bondia bito kowakowa ango ka owa wetomeke nande. ³⁹ Bo phana phana mo eya yeandikeleke, bondia toengeleo tino tika n'nkati yayo ika koika ka yala-yala, ikai maamo mo ko ebesa boyaeli ya koika kane. ⁴⁰ Ke bite emeango kula kowa kane mo ko pata koika. ⁴¹ Ukuku yane ya uwande ko bato. ⁴² N'ndi neli mbele n'nkati ino bauwa bino na moboto ya Mokonga. ⁴³ Nelei mo lina Tata, ke bite ako bino noo; m'mba ophe wala mo lina yande omune, baakolea we. ⁴⁴ Boni o koa-koa bane, bane baa beeme okuku n'nkati ino ane mine, ke bito phango ouku ya kula Mokonga omune? ⁴⁵ Eengeleangi mbele no limboa! bane boso ya Tata; owa olimboya bane, ikai Mose, owa toengeleo tino too se taikanga koa kande. ⁴⁶ Bondia m'mba ba koangai Mose, bo kowakai noo, bondia waandikangai bondia ane. ⁴⁷ N'ndi m'mba bete akowe komaa meandikeleke, boni bo koa-koa ko maoki manei?