¹ Mokolo Mbali na koeba mbele Bafalisayo ban'ngbake mbele watangai na koluphea kolongeya baeki ba Yoani . ² Mo n'nyanga yoose Mbali utalupheyanga we mune , ndi waikangai na Baeki bane . ³ Na bobo we nakotoka Yudeya , na kosumboka mo Galilaya . ⁴ Na bobo yaengamanga nande kota mo Samaliya , ⁵ We na kokoma o motanga omo ya Samaliya oya koeteka Sikala , baka na iba eya esanga Yakobo na Yosefu maana wane . ⁶ Koa kaikanga kasowa ka Yakobo .Mbali , nakoena ka ondo , koika baka na kasowe . yaikangai m'mba n'nyanga ya motoba . ⁷ Amokali omo wa Samaliya kula kotokola maale . Mbali nakoena nande : Esa noo ma oma . ⁸ Mondia baeki bande baake o motanga koowa meleli . ⁹ Amoka wa Samaliya na koena nande : mo tchei owe , uki Moyuda , okoomba noo ya ko maa , ndi noo niki amoka Mosamaliya ? Bayuda , kaye bitokon'ngbesananga na ba Samaliya . ¹⁰ Mbali nakoena nande : m'mba waebanga liphoti ya Mokonga na nani owa okoena nabe : Esa noo ma oma ! ke owe mune waombawe ma oma , ke we nakoesa owe maale ma koika . ¹¹ Mokolo , amokali nakoena nande , owabe na kasima ka kotokolea , ke kasowa keimbe; naokoni opata owe maale ma koika ? ¹² Uki mokolo moto kongeya ise ito Yakobo , owa wesanga base kasowa si , nawe mune wamangai , na baana bande na mekoko yande ? ¹³ Mbali na kosumboleya we : moto woose oma maale si mano okon'ngba n'kasa ; ¹⁴ Ndi nani oma maale mokosa noo nande uto koun;ngba kaye n'kasa , ndi maale nokoesai nande yo koikai kasowa ya bua kokamena ke yokoikai koika ka bemo na bemo . ¹⁵ Amokali nakoena nande : Mokolo , esa noo maale si , mo isina mbele nito kon'ngba kaye n'kasa , ke naeke kaye kulanga abono kotokolanga . ¹⁶ Yaa , Mbali koena nande , koete moome abe , ke waala ano . ¹⁷ Amokali nakosumboleya we : na wane na amoome . Mbali na koena nande : uka na seliya ya koena : na wane na amoome . ¹⁸ mondia waikangai na baome batano , ke owa uka nande moeneke wauwaande moome abe .Mo eyo waenake liti . ¹⁹ Mokolo , amokali na koena nande , na monake mbele uki Molondoi . ²⁰ Baise bito balombesangai kiyo na mekondi si ; ke bo koena , bane , pali ya koenga na kolombeseleka ikai mo Yelusaleme . ²¹ Amokali , Mbali na koena nande , akoleya noo , n'nyanga eeya yokula iko koikande mba kiyo na mokondi si mba mo Yelusaleme ndi bo lombesai Ise . ²² Bo lombesa eeya biteli bane ; base , tolombesa eeya teeli , mo isina ya koondeseleka kotokeleya ko Bayuda . ²³ N'ndi mon'nyanga eeya yokula na yalake seno balombeseleki ba liti mon'nyanga si eyo bolombesai Ise na mosombo kena liti ; iki balombesi si babo n'ndi Tata ophana . ²⁴ Mokonga ukai mosombo , ke na baa bolombesangai we beengame na kolombesa we na mosombo ke na liti . ²⁵ Amokali na koena nande : Neeli mbele Masiya okula ; mon'nyanga si eyo okulai we , okoenai nito maondi moose . ²⁶ Mbali na koena nande : iki noo owa okoena nabe . ²⁷ Mo n'nyanga sieyo baeki bande , baikangai na kongbema naeyo na koena we na amokali . Ango omo bua mbele : ophiphea chei ? ²⁸ Ndi a mokali , na kooka kobole kande , na kiya o motanga , na koena na bato : ²⁹ Wai komona moto omo aenake nane moose matanga noo ; yauwa ndi iwer Klisto ? ³⁰ batokake o motanga , na kiya koa kande . ³¹ Mo n'nyanga eyo baeki bokoeta we mo koanga , na koena : Labi , anga ³² Ndi we koena nabo : na moleli ya koanga ke bane bitokeiba . ³³ Baeki na koenaena baphe na bamo : moto omo abielangai we eya kowanga ? ³⁴ Mbali na koena nabo : moleli yane ikai kota cheema chaa owa watomanga noo , na koengamesa mokambo chaande . ³⁵ Bua koena mbele yasiake meeli ina mo n'nyanga ya kokonyoa ? Mona , naenake nino ,linyesa maiso kiyo , na mona maaba yauphokake mondi a kokangoa , ³⁶ Owa kokonyoa obati liphoti na kokonyoa touma ta oika bemo na bemo , mondia owa kooleka ke na owa kokonyoa balendeye pali omo . ³⁷ M,o eyo ekoeneleka iki liti ; ophe ikai owa koleeka , ke ophe owa kokonyoa . ³⁸ Natomangi bane kiya kokonyoa eya bita lekanga , baphe batangai , ke bane baingeyake mo n'kasiyabo . ³⁹ Metuka ya Basamalia baa motanga siowo bakoleyake Mbali mondi a koena ka liti ka amokali : waenake nane moose matanga noo . ⁴⁰ Mo n'nyanga si omo , Basamalia baya iki koa kande , na kobondja bondja we mbele aike nabo . Ke we na koika nabo n'su ibe . ⁴¹ ke na ibamba ya eema yaakowake mo isina looki yande ; ⁴² ke baenangai na amokali : yauwa kae mo isina ya looki laenake owe ndi base taakowake ; ndi base mine taungbake na taakowake mbele ukai moondesi wa cheese , ⁴³ Maili ya n'su ibe , Mbali na kotoka , na kiya Galilaya ; ⁴⁴ Mondia waenangai we mune mbele molondoi ango omo uto litoselekanga mo motanga ande mune . ⁴⁵ Akomangai we Galilaya , ba Galilaya bapokeakai we bosali , bamonangai yoose yatelekake Yelusaleme mo n'nyanga ya cheombe ; mondia nabo kae baalanga mo cheombe . ⁴⁶ Asumbokake kae mo Kanana bena mo Galileya , koa atimbolangai maale malu .Aikangai Kapalanauma mokolo ya mokota , owa mana ande waun'ngbanga oso . ⁴⁷ Mo koun'ngba mbele Mbali walake Yudeya kotoka Galilaya , we na kiya koa kande , ke na kobondja bondja mondia waselele ke na koondesa monaande , owai ikanga baka na kokpa . ⁴⁸ Mbali koena nande : m'mba uti namoni maondi ma kosangalesa na nembe , bito kowakowa , ⁴⁹ Mokolo ya mokota koena nande : Mokolo , selela boso na maana wane kokpa . ⁵⁰ Yaa , Mbali koena nande , maana abe waondake . ke amoome wa kowakowa looki si Mbali waenake nande , ke nande kiya , ⁵¹ Mo kiya kande , bato baa n'kasi balake mo kosongana nande , babileaki we mesao ya koena : maana wabe waondake . ⁵² We na kophiphea nabo mo eni n'nyanga yaun'ngbangai we osali ; ke bo nakoena nande : ile , mo n'yanga ya mochomoendi ; na oso koeka we . ⁵³ Ise na koeba mbele mo n'nyanga sieyo emo Mbali waenake nande : maana wabe waondake . Ke we na kowakowa , we ke na lumba yande motondo . ⁵⁴ Mbali na kota koe maondi ma kosangalesa mala wa ibe ko kotoka Yudeya koetea Galilaya .