¹ n'ndi aikangai amo ome omo n'nkati ya ba Falisayo wa etekanga Nicodeme, mokota omo ya ba Yuda. ² We na kula, we kowa ka Mbali, na botu, ke na ko ena nande:"Rabbi, telimbele ukai Docteur wilei kowa ka Mokonga; bondia moto ata omo ute otaande maondi ma manii-nii si maa mo ota owe m'mba Mokonga wa uwa nande". ³ Mbali na ko sumbolea we:"Mo liti, mo liti, na enake na bo, m'mba moto ute boteke ephe, utomona ande Bokota ya Mokonga". ⁴ Nikodeme na ko ena nande:"booni moto obotekai ephe mbe uka Mokolo Moto? Yo ko engamai mo mumboka n'nkati ya mesolo ya nina ephe ke ko botekai?" ⁵ Mbali na ko sumbolai:" mo liti, mo liti no ko ena nabe, m'mba moto ute boteke n'nkati ya maale ke na mosombo, ute engame ande na ko n'ngea n'kati ya bokota ya Mokonga". ⁶ Owa we boteke na mobe ukai mobe, ke owa weboteke na mosombo ukai mosombo. ⁷ Buwa ko sangala m'mba naenda nabe:"ephoei mbe we boteke ephe. ⁸ Mophopho yo kulangai na obalu eeme we, ke o ko n'ngbai kolima kande; n'ndi utei abe kowa ko tokake yo, ke kowa kokiya yo. Ikai bobo ka moto woose owa wa botekeka na mosombo". ⁹ Nikodeme na ko ena nande:"Booni eeyo eengame ne koteleka?" ¹⁰ Mbali na ko sumbolea we ukai Docteur wa Israele, ke uteli maondi si mansi? ¹¹ 11 mo liti, mo liti no ko ena nabe, to ko ena maa meli base, ke to ko ebesa oyaeli ko moose si maa ma monganga base; ke bane bito ko n'ngba ango maa to ko ebesa bane. ¹² M'mba bane bite akowe nyanga na enganga nino maondi ma tchese, boni oko akowa bane nyanga nekaena nino maondi makio i? ¹³ Moto ata omo uteli eande kio, kosakolo owa weselele kio, mana moto owa uka nkati ya kio. ¹⁴ Ke bowa Mose wa imoanga kio ndjoka n'nkati ya obandja ya ibunge, engamei namuna omo m'mba mana moto wa imoleke kio. ¹⁵ Mo boobo m'mba owa woose o kowakowa we wapate ko ika ka yala-yala. ¹⁶ Bondia Mokonga wa emangai tchese ke wa abangai manande omo lika, mbele owa wooe okowa kowa we wa uwa koseama, n'ndi wapate koika ka yala-yala. ¹⁷ Mokonga, uta tomanga ande mana ande mo tchese bondia ko smbesa tchese, n'ndi bondia tchese tcha ande mo isina yande. ¹⁸ Owa oko akolea we ute wambeseleka kae n'ndi owa uto kowa kowa wasambesele kake mono, bondia uta koanga ande mo lina ya mana omolika wa Mokonga. ¹⁹ Ke ko baanyeka si kooko, liangangi ya langai n'nkati ya tchese, bato na ko ema iphue paali ya liangangi bondia mekambo yabo ya beya. ²⁰ Bondia owa ota ko beya uto ko ema ande liangangi, ke uto kula ande kowa kika liangangi, na ko tina mbele mekambo yande inaanga ko moneka phololo. ²¹ N'ndi owa uka n'nkati ya tchaa ukulai kowa kika liangangi mo isina mekambo yande ya moneke bondia etelekei na Mokonga. ²² Maili naeyo , Mbali , asima amo na Baeki bande , we nakiya mo n'seke ya Yudeya ; ke na kooko we na koika nabo , ke we na koluphea. ²³ Yoani kaye koluphea ko Enona , bakabaka na Salima , mondia koa yaikanga male ma buwa , ke balangai kolupheleka . ²⁴ Mondia Yoani uti na kandeki . ²⁵ N'ndi , yatokake n'kati ya baeki ba Yoani iyeya emo na mo Yuda omo abundanga kophenena . ²⁶ Balangai komona Yoani ke nakoena nande : Labi , owa waikanga nabe bila ibe ya Ladene ke nabe waenake na boyaeli , mona , oluphea , ke boose bayaake koa kande . ²⁷ Yoani nakoena : moto ango omo uto bataande ke yaese kake nande kowa kiyo . ²⁸ Bane mine bika Banangoli bane mbele naenake : nauwane Klisto , n'ndi na tomelekake booso nande . ²⁹ Owa wapatake amokali waisongi , uka amoome ya isongi ; n'ndi muna kande amoome wa isongi ; owa uka ao na koun'ngba , uka nakolengeya ka ema mo isina ya looki ya amoome waisongi : na boobo kolengeya si , iki yane , etondane . ³⁰ Ekangame nande ko konda ke noo na selele . ³¹ Owa wetoke nakiyo uka kiyo na yoose ; owa uka ya n'seke uka wa n'seke , ke okoenai mba wa n'seke . owa okula na kiyo uka kiyo na yoose , ³² kotonda boyaeli na ya monanga we na kon'ngba , n'di moto oto koa koa boyaeli yande . ³³ Owa wan'ngbanga boyaeli yande ke waakowa mbele ukai Mokonga liti ; ³⁴ Mondia Mokonga watomanga mo koena maoki ma Mokonga , mo isina mbele Mokonga uta esangande we mosombo ya n'tungeya . ³⁵ Ise koema maana , na koesa maondi moose o maako mande . ³⁶ Owa okoakoleya Maana uka na koikai ka layalaya ; ndi owa utokoakoleyaande Maana utomona ande koika , ndi kosoma ka Mokonga yo koikai kiyo nande .