¹ N'su isato maili, aikangai na bondi ya isongi ko mofanga ya Kanan, mo tchese tcha Galilea, na nina wa Mbali. ² Mbali na baeki bande ba etekangai ka mo tchombe si tcha isongi. ³ Divai yo na komaneka, n'na Mbali na koena nande:"Bo buwa kae na divai". ⁴ Mbali na ko ena nande:"Te ono amokali, tikai na oni bondi base babe? N'nyanga yane ineengami bande" ⁵ Nina na ko ena na bato ba mekambo:"Tchoose tcha wo ko ena nino, tayi tcho. ⁶ Asima si oo ya tcheombe, aikangai mbe tobole ta maale motoba taikangai moo bondia mbe ba Yuda basoole mao kila kabole kaikangai na n'nembe ibe ango isato. ⁷ Mbali na ko ena na bo, iyesai maale mo tobale si temo eke baiyesa to enakio. ⁸ Tokolai enekeke, wa ena na bo, eke biyai mo kowa ika mo baani wa meeleli:"Eke ba biya mo ko. ⁹ Mo n'nyangea si eeya moto owa wa sondjanga meleli, wa sondjanga maale ma matimbokanga davai, utaebanga m'mba divai si ya tokakei kokoni, n'ndi babo ba mekambo, baa batokolenga maale, ba ebangai bosaali, eke we na ko eta mokali, ¹⁰ Eke wa ena nande:"moto woose wo ko esangai boso malu masaali, eke maa mabeya mo ko melekangai alinga bato balewa; owe, wa esangai masaali kolinga boso ena maili. ¹¹ Eeyo ii ya telekake mo Kanan mo tchese tcha Galilea, muudjiza ya boso owa ya tanga Mbali. Wa moesa okuku ande ena baeki bande na koako we. ¹² Maili ya aowo, eke wa ya mo Kapernaumu we na nina, bana ba nina ena na baeki bande, eke bo na kosiya kooko n'su ya angowa. ¹³ Pasika ya ba Yuda aikangai aiye-iye, eke Mbali na kiya mo Yerusaleme. ¹⁴ We na ko sangala molumba ya masomboli, baolesi ba ngombe, ba mekoko ena ba ndjiwa enakae ba anyi ba falanga. ¹⁵ Komana ko ongonya mokoma ya koba ya n'nyama, eke we na ko balanganesa molumba ya masomboli, baolesi, na mekoko, na ngombe, we na na ko balanganesa falanga ya ba anyi eke we na ko balanesa ba mesa; ¹⁶ eke wa ena na baolesi ba ndjiwa, toesa besima bino aabono ena buwai kota lumba ya Tata m'mba lumba ya ngondjo. ¹⁷ Baeki bande na koengeleya eandikeliki m'mbe mo ina-ina ya lumba yabe yekaseya noo. ¹⁸ Ba Yuda, ko bunda looki, na ko ena nande: owi muudjiza, wa moesake base, ombe ote boono? ¹⁹ Mbali na ebesa bo; kundowai lumba si eeno ya masomboli, mo n'su isato na kaimetchai yo. ²⁰ Ba Yuda na ko ena: mo ko esa lumba se eeyo, tatangai bemo nkama ina na motoba eke owe m'mbe wo koimetchai yo mo n'su isato! ²¹ N'ndi wa enangai mondia lumba n'ndi mobe yande. ²² Mo isina si abowa aomokanga we mo bagbi, baeki bande na koenyelea bondisi, abowa aomokanga we mo nkili. ²³ Abowa aikanga Mbali mo Yerusaleme, mo tcheombe tcha Pasika, na kowa-kowa mo lina nde, mo komona mudjiza eya yatanga we. ²⁴ N'ndi Mbali omune utakoanga bande bo, bondia wa ebangai bo bosaali, ²⁵ ena bondia uta ikanga na tcheema mbe moto walombese we, bondia wa ebangai eya ika n'nkati ya moto.