¹ Mo otu ya boso boso m'poso, Malia wa Mangadala na kiya mo buyuko mo ko tcha ka botu, m'mba bowa iphuwe ya ikanga; ke we na omona mbele iwe yetoke kiyo na buyako. ² We na kiya obeya ko Simona Petele na ka ophe mo wakowi wa Mbali si owa wa emanga we, ke na ko ena nabo:"Ba toesake mokolo n'nkati ya buyako, na titeli a bito a bowa bite we. ³ Petele na Mowakoyi omo bo na kiya kowa mo buyako. ⁴ Bo na kiya Petele, na ko koma wa boso mo buyako; ⁵ We na otulama, ke wa mona menuku ya n'tulu ika mo n'seke, na yo n'ta n'ngeya ango ande. ⁶ Simona Petele, o wa wa ondanga we, na okoma ke na ko n'ngeya n'nkati ya buyako; we kae na omana menuku ya n'tulu mbele ika ao mo n'seke. ⁷ Na monuku si owa aakandanga we o motchwe ya Mbali, yo yekandeke ophe asima kaowa. ⁸ Moyoi ophe mo akowa si owa wa bua n'nyanga boso mo buyako, na ko n'ngeya; na omona, ke na kowakowa. ⁹ Mondia biti na fofoyi ande mbele, ko ondesana na maondi ko, Mbali we engama na koimoka o ba kpi. ¹⁰ Ke ba akoyi na osumboka omo na omo kowakande. ¹¹ Mo n'nyanga si Malia wa ikangi koandja mbele o ko eya aiyeye na buyako, mbele o ko eyo. M'mba bowa ya eyanga we, we na koselela mo otomenya n'nkati ya buyako; ¹² We na komona Bakitomo babe mbele bebate n'tulu ya iphoka, bo ika ase a bowa balamesanga mbo ya Mbali, omo o motchwe, ophe o mao. ¹³ Boo na ko ena nande:"Amokali, mondia tcheii ome o ko eya?" We na ko sumboleya bo:" Mondia ba toesake mokolo ane, ke n'teli ane abowa bete we". ¹⁴ Maili ya ko ena yo, we na ko timboka, ke na omona Mbali mbele weimane:"n'ndi uta ebanga ande m'mba yaikangi Mabli". ¹⁵ Mbali na ko phipheya we:"Amokali, mondi ya tchei yo ko eya owe?" Ophani nani? We, na koisa m'mba iki motchongi iba oyo, na ko ena nande:"Mokolo, aika m'mba owehi wa biyake we ebesa noo abowa wete we ke noki kiya ko biya we". ¹⁶ Mbali na ko ena nande :" Malia! We na ko timboka", ke na ko ena nande ki Hebele:"Rabbuni! N'ndi mbele, Molombiya!" ¹⁷ Mbali na ko ena nande:"Buwa ko bundesa noo; mondia n'nabunyi ane kowa ka Tata wane. N'ndi yaa ko mona banduku bane, ke ena na bo mbele na linyake kowa ka Tata ane na Tata ino, kowa ka Mokonga ane na Mokonga ino. ¹⁸ Na Malia wa Mangadala na kiya ko ena a ba akoyi mbele wamanaki mokolo, ke wa ena kei ande maondi si mane. ¹⁹ Na iyo ya otu siowo, yokandeke, mondia buwa si owa ba ikanga nayo o ba Yuda, Mbali na kula, na obuanya boso abo, ke na ko ena nabo:"Bii waike nino". ²⁰ Na n'nyanga ya enanga we eeyo, we na omoesa we naake ande na m'mbele yande. ba akoyi na koika na ome mo omona mokolo. ²¹ Mbali na ko ena nabo ephe:"Bii waike nino! M'mba bowa Tata wa tomanga noo, noo kae matomeke kae bane". ²² Maili ya maoki si amo, wena ko phumba kiyo na bo, ke na ko ena na bo:"Patai Mosombo ya phenena". ²³ Baa ame bo omesele ya ko beya kabo, yekaneselekeyai bo; ke baa ane bite ke na meseleya bo, yeka iki boobo. ²⁴ Tomase, owa wa etekanga Didime, omo wa ikomi nande we beakayi, uta ikanga ande na bo mo n'nyanga si eya Mbali wa alanga. ²⁵ Baphe ba akayi na kouna mbele:"Ta monake mokolo. N'ndi wena ko ena na bo:"Aika m'mba ute na moni we na alama o maako mande ya mesumbani, na aika m'mba nati monwe yane mo a bana wa mesumbani, na aika m'mba na tii monwe ane mo okelekele yande, n'to kowa kowa ane. ²⁶ Maili ya n'su tchenena, ba akowi ba Mbali ba ikangi ephe n'nkati ya lumba, ke Tomase wa ikangi na bo asima amo. Mbali na kula, melango na ko andeka, we na ko buanya n'nkati abo, ke na ko ena:"Bii waike nino!". ²⁷ Ke we na ko ena na Tomase:"Taa monwe yabe abono, ke mona maako mane"; susesa kaake, ke taa mo okelekele yane; ke buwa koika owa wauwa na kowakowa, n'ndi akowa. ²⁸ Tomase na ko sumboleya we:" ²⁹ Mondia wa monake noo, wa akowa". ome ka owa utemone, n'ndi wa akowake! ³⁰ Mbali na ata ephe, oso wa baeki bande, maphe maondi ma buwa na ma niini, maa mite pkalokeleke ande mo buku. ³¹ N'ndi maondi si mamo mekpalokelekeyi mondia mbele beya kowei mbele Mbali uki Klisto, Mana Mokonga, na kowakowa bokoiki na koika n'nkati ya lina ande.