¹ Eke Pilato na koesa isosa babunde Mbali na ko lubeya we tonywaa-tonywaa. ² Bena ba sala baendjeka mpo a meke, batao ko motchwe ya Mbali, ba batesa we ntulu ya bangi wa teya, ³ basusa bakama nande, ba ena:"Waimokake, mokota ya ba Yuda. Ba lubeya we m'phi. ⁴ Pilato waomoka ephe koandja, wa ena na ba Yuda:"Monai, na isake we koandja boso nino; ebai mbe ntemone ane kowa bondi ango omo ya ko kandesa we". ⁵ Eke Mbali waomoka koandja ambe webate m'po ya meke na n'tulu si eeyo ya langi wa teya Pilato na ko ena na bo:"Monai moto sioono". ⁶ Bephiphi ba melombiya na batchungi ba bo ba monanga we, bata lokendi ya koakaya akaya, ba ena:"Moesai we maobi, moesai we maobi". Pilato wa ena na bo:"Bane tombai we, komoesi we maobi. Bondiya ntemoneane kowa kande ko beya ango komo ka ko moesa we maobi". ⁷ Ba Yuda ba sumboleya we:" Base tika ya angile wito, nkati ya angile si ooyo weengame na kokpa bondiya wetei mbe waeteke mana Mokonga". ⁸ Pilato wangbangai looki si oowo, wa tina iki iboka. ⁹ Wa n'ngeya ephe mo mbalasani (mookeo) wa ena na Mbali:"Owe watokaki na koni?" N'ndi Mbali witeene ande tchesima. ¹⁰ Pilato na ko ena nande:"Wito ko ena nane?" Witeli mbe noo nika na tchekamba tcha koeka owe, na nika na tchekamba tcha ko moesa owe maobi?". ¹¹ Mbali wa sumola:"Weikange na tchekamba tchoose bondi yane noo, ambe iteeseleke kotoka kiyo. Mo boobo owa weabe noo kowa kabe, wika na ko beya ka ema iboka". ¹² Kolinga aowo Pilato waphana koeka we. N'ndi ba Yuda balubeya tokolo ambe bo ko ena:"We kandowa oono, wa buabe isau yande Kaisala: kila moto si waota mbe waike mokota, wo koeseya na Kaisala". ¹³ Pilato aabowa wengbe maondi si maamo, wa omola Mbali koandja na koikaneya kakalanga ka bokota, asima eeteke Sokafu wa mawe, mo looki ya baebele Gabata. ¹⁴ aikangi botu ya kopanga tchembe tcha Pasika, n'nembe ya m'pendu. Wa ena na ba Yuda:"Monai, mokota ino ono", ¹⁵ n'ndi ba balube tokololo:"Toesai, toesai". Pilato wa ena na bo iki mbe mokota ino bo omoesi we maobi? Bephiphi ba melombiya ba ena:"Tabuwabito na mokota sakolo Kaisala. ¹⁶ Aowo waaba Mabli ko maako mabo wa moneke maobi. Bo na ko bunda Mbali. ¹⁷ Wabiyangai liyeka yande omune, Mbali waomoka mo kiya asima eeteke mokuwa ya motchwe, mo looki ya baebele Golgota; ¹⁸ Ba moesa we maobi kooko, na asima amo nande bato baphe babe, omo kono na ophe kono, nande Mbali akatikati. ¹⁹ Pilato wa bunda isosa mbe melolo maike na kotileka kiyo na liyeka ambe yeeme Mbali wa Nazareti, Mokota ya ba Yuda. ²⁰ Mo bowa asima si a abowa emoneke we Mbali maobi aikangi aiyei-iye na motanga, ba Yuda ba buwa ba bandangi melolo si yekpalokeleke na tchiebrania, tchilatini, na tchigeleke. ²¹ Eke bephiphi ba melombiya na ba Yuda ba ena na Pilato:"Iteengame ande koandika Mokota ya ba Yuda, n'ndi yeengami koandika mbe oono weenei:noo-i mokota ya ba Yuda". ²² Pilato na ko sumboleya: "Eya ya andikake noo, ya andikelekake". ²³ Basola maili wa komoesa Mbali maobi, babiya n'tulu yandé, bata yo mafungu mana, mo kila sola omo lifungu emo. Batomba kae n'kanjo, n'kandjo si eyo itasolekanga ande, yoose yaikangi na bo n'ngeseyo kolinga kose bena kiyo. ²⁴ Mo bobo ba enesana:"Tobuwa koasowa yo n'ndi titei boiya m'mba yo koikai ka nani". Ambe yaine looki yeene: "Bebaanyi n'tulu yane akati wabo, bataleya nkandjo yane boiya". Booboi bosola batanga. ²⁵ Bakama na biyeka ya Mbali, baikangi mbe besikame nina, nina manuke, Maliya mokala Klopa, na Maliya Magndala. ²⁶ Mbali wa monangi nina, na mokobe si owa wa emanga we iboka weimanesane aiye-ye wa ena na nina:"Owe amokali, oono-i manabe". ²⁷ Eke wa ena kae na mokobe si oowo:"oono i n'tchoko. Na ko linga n'nyanga si eeyo, mokobe si ooyo na koika nande kowa kande. ²⁸ maili yaowo, Mbali , owa waebanga mbele yose ya ikangi mbe yaengamake , na koena , bondia looki ya ilonga ya engameseleke : nika na cheema cha maale . ²⁹ aowo yaikangi na kabole kaiyanga na maale ma n'ngbangba basola nakoisa monoku ya n'tulu na maale ma n'ngbangba bakanda yo ko motabe ya kate ka isope basinde kayo na kiyo mo kobakamesa mokana kande . ³⁰ n'nyanga Mbali yeme maale si , wenakoena mbe : yoose ya engamake . ke natule mochwe kose , we na kosumbola motema . ³¹ mo bowa mbele mebe itasingi mo n'kili botu ya koomona , bondia maendjekeyo na osu ya koomona yama , Bayuda na koomba ka Pilato mbele ba monene mao ma bakpi eke batoese bo . ³² ba sola balangai bamunamuna mao owaa wa booso , bena owa ophe baa baikanga nande asima amo nande mo n'kili . ³³ kokoma bakabaka na Mbali , bona komonawe mbele wa kpake seno , bite munemunwe kaye mao mande ; ³⁴ n'ndi , omo wa basola na kobusowa we okelekele , na itumo , na n'nembe emo mokiya na maale na koomoka . ³⁵ owa wemone wesaowei , na mosao yande iki liti ; na weli mbele waenake liti , bondia mbele beakowei kae . ³⁶ maondi si mano malakei , bondia mbele looki yailonga yaiyane : mokuwa yande ango omo itekamuneki ande . ³⁷ na bobo looki yaena kae : bekamonai owa bebusowe we . ³⁸ maili na aowo , Yosefu wa Alimateo , owa waikanga moakoi wa Mbali , mokaisama ka kotina Bayuda , na koomba loosa ka Pilato ya kobiya mobe ya Mbali . na Pilato na koakoleya we . we nakulakae ke nakobiya mobe ya Mbali . ³⁹ Nikodemu , owa waanga boso komona MBALI na botu , wala kae , wa biya beeya ba koowa besima ba koleka na Mbali . ⁴⁰ babiya ikei mobe ya Mbali , na kokakanda yo na n'tulu , na makuta ma iyesi bowa ika boyaeli ya koleka koba Bayuda . ⁴¹ n'ndi , aikangai na kaiba moasima si owa baiyanga Mbali mo kate , na n'kati ya kaiba si buyako omo ya n'mbesi , yaikangai owa itatelekanga moto ko , aowo i elekeleke Mbali , ⁴² bondia koengeleya ka Bayuda mo botu ya koomona bondia buyako yaikangai aiye-iye .