¹ Maili na ao , Mbali na omoneka ephe o baeki bande , molito ya iyaba ya Tibeliade . na mona oni boyaeli we moneke we . ² Simona Petele , Thoma ,weeteke Didima , Nataele , mokanana wa Galilaya , baana ba Zebede , na baeki baphe babe ba Mbali, bika asima amo . ³ Simona Petele na koena nabo : naake koota. baena nande: toki nabe ,boo na kiya naokimeya mo waato .na botu siowo bitabundanga abo chesima ango chemo . ⁴ botu kocha Mbali na kobuanya kolito ; n'ndi baeki bitaebanga ande m'mba iki we. ⁵ Mbali na koena nabo: baana,bauwa na ya kowanga? bona kosumboliya we: iyani ya uwaande . ⁶ we na koena nabo: m`mboli osaka moboimaneyo ya waato.na bokoiya ii .bo na kom'mbola,na bita kokolanga kaye kooba osaka,mondia n'fe ya ikangi iki ya buwa . ⁷ na boobomoeki omo Mbali waenangi iwe na koena na Petele ,obowaweem'ngbe mbele iki Mokolo , na obata n'tulu ande na mokaba , mondia waikanga ii Mokonga ,na ochubeya o maale . ⁸ baa baphe baeki na koluwanga seno na koolanga seno osaka mbe ika na n'fe ya buwa , mondia baikangi kambu kpaaya na n'seke aiye iye bametele miya ibe. ⁹ bo na oselela mo n'seke , bo na omona makangala koakana , mbele n'fe ika moota , na kaomoma . ¹⁰ Mbali na koena : waa ii na n'fe sieya babundake ano , ¹¹ Simona Petele na okimeya mo waato, na obota waato mbele yeiye na n'fe mia na n'kama itano na isato ya emeema ; na ango bowa ya yainga yo , osaka itasokanga ande . ¹² Mbali na koena : waa ii , anga ii . na moeki ango omo buande na ophipheya we m'mba owe ii nani ? na koeba m'mba uki Mokolo . ¹³ Mbali na kula bakabaka na bo , na obundesa kaomoma , na koesa bo; na otaka ee boobo mo n'fe . ¹⁴ yaikangi meli ya isato Mbali we moneke o baeki bande mokotoka koimoka kande o bakpii . ¹⁵ maili ya bo kowanga Mbali na koena na Simona Petele : Simona , mana Yonase, weeme noo koeteya bowa weeme baa bano ? we na osumboleta we : boobo , Mokolo, weli mbele neeme owe . Mbali na koena na ande : lesa mekoko yane . ¹⁶ we na koena nande ephe : Simona mana Yonase , weeme noo ? Petele na osumboleya we : boobo , Mokolo , weli mbele neeme owe . Mbali na koena : lesa mekoko yane . ¹⁷ we na koena nande mela ya isato ; Simona , mana Yonase , weeme noo ? Petele na okanda hondi mo bowa aeneke nande mela ya isato ; weeme noo ? we na osumboleya we : Mokolo , weli bondi yoose , weli mbele neeme owe . Mbali na koena na ande : lesa mekoko yane . ¹⁸ moliti , moliti , naeneke nino , n'nyanga sieya waikanga maana ¹⁹ we na koena eyo mo omoesa oni boyaeli ya kokpa Petele olombesa Mokonga nayo , ke waena yo ephe . waena nande : onda noo . ²⁰ Petele , na osumboka , na omona we kula bakabaka nande moeki siowa Mbali wa emanga we , owa , n'nyanga ya kowanga moleli ya iyo , wa eyamanga mo m'mbele ya Mbali , na we koena : Mokolo , nani weengame na koaba owe ? ²¹ mokomona we , Petele na koena na Mbali : ke o onoo , chei chokouleya we ? ²² Mbali na koena ; eneke m'mba naema mbele waike bena abowa yo kula noo , yeangaliye ii owe ? owe , onda noo . ²³ kiyosi , maoki na koeneka o banduki mbele moeki siono uto okpa ande . Ao mbele Mbali uteene ande na Petele mbele uto okpa ande ; n'ndi aikam'mba naema mbele waike bena abowa ekala mono noo , itemoneya ande owe ? ²⁴ moeki sioyo ii o moesa maondi si maamo , na okpaloya yo . na taebake mbele koena kande iki liti . ²⁵ Mbali na ota maphe maondi , mobewa , aikam'mba baandi kange omona emo , n'teli ane m'mba chese cheengame na koika na bitabo ba koandikileka .