¹ Mgimbilwe MLUME lwimbo lwa luhya, Bululi gwagila bihisho bya bisaga. Wa uboo wage wa ulume gee mine, Wa uboo wage wa uhaha wamgilila uhogononywa. ² MLUME gwaununa uhagonona wage, Umeso ma mioga gwamonya kiine chage. ³ Gwachyengelecha keene chage, Na uwilila wage mndu gya Isilaeli. Bisula byose bya sii byamona Uhogonona wa Abetcha etu. ⁴ Seelelwe MLUME, sii gyose, Ginunywe madi, gimbwe wa saso, gimbwe ng'imbo. ⁵ Mgimbilwe MLUME ng'imbo wa inubi, Wa inubi na lidi lya ng'imbo. ⁶ Wa asiba a ndogu na lidi lya asiba. Seelelwe u mbele wa Oolona, MLUME. ⁷ Bahali na litute na byose bili bigiluchemo, Ibaloo na bose bene bali bashamemo. ⁸ Ngudi na chihule kwasa, Koono na chigimbe hamwechi wa saso. ⁹ Umbele wa MLUME; Bululi gwachwa uonona sii. Gwaonona ibaloo wa kiine, Na mioga wa winene.