¹ MLUME gwabagolwela, mioga gyadanda; Gwashama heguylu ha makelubi, ibaloo yadigila. ² MLUME mnda Sayuni ii mmata, Nage gwaginyuwa hegulu ha mioga gyose. ³ Na balitone china lyage lya usinywa; Gee noo gwammaha. ⁴ Uoma wa oolo nao ulihuunda uonona; Gogwe noo ulihumonya kiine; Uitile uonona na kiine wa Yakobo. ⁵ Mmewe buswachi MLUME, Abetcha etu; Ginamwe hasi ha iti ya magulu mage; Gee noo mmaha. ⁶ Musa na Haluni babele hawingi ha bibuli byage, Na Samwele hawingi ha baligitile china lya ge, Habamgitile Mlume gubagitabuwile; ⁷ Gudogomine nabo uhitila ihanda ya timba. Bawashile ubangisiya wage na alago elibahele. ⁸ Ee MLUME, Abetcha etu, Gogwe noo ubagaile; Ubale wabo Abetcha ene eli huleelela Inangwa ubingilishiche bigilanywa byabo. ⁹ Mtonywe MLUME, Abetcha etu; Ginamwe mushenene loono lwage luhaha; Bululi MLUME, Abetcha etu noo ahaha.