¹ Gulimshame ihana ya lubisagulu yage Guli hegulu Gwishama mmihochu yage Minegulu. ² Nigana MLUME, noo businino bwabyi na mmao gwanyi,Abetcha anyi gwandiudagila. ³ Bululi Gee noo gwiuhogonona nagochi lya mmibi, Na wa bisumi bisuuhaga. ⁴ Na wa maso mage gwiunina, Hasi ha bihwahwa byage wimona businino; Uwilila wage ii ngabo na litibula . ⁵ Ushinona booabwa busugu, Ata mgwi gulihuguluwa mchuba, ⁶ Ata bisumi bya uhita mdoo, Ata bihele bilihudogya lubombo mkunyiya meno. ⁷ Inangwa batu uko bagwa mlubachu mobe, Ehe, uki umi uboo obe wa ulume! Ata bibyo bishiuhyila gogwe. ⁸ Haho wa meso mobe wilingamina, Na umona alambwe a bene bashi na kiine. ⁹ Wa bibyo Gogwe MLUME noo businino bwanyi; Wammita Guli hegulu uba bushamo bobe. ¹⁰ Bisone bishiuhyila gogwe, Ata bisumi bishihyila hema lyobe. ¹¹ Bululi gwiulagila bamalaika bage Buuse mnda madila mobe mose. ¹² Mmaboo mabo byubeya, Ushichweuhyatala ugulu obe uliwe. ¹³ Wibigyatila tambwe na ndowa,Mwana gwa tambwe na ihili. Wibihyilila hasi ha magulu mobe. ¹⁴ Bululi gwakunda wa luundo Nimmogonona na ubiya ihana ya hegulu, Yulu gwamana China lyanyi. ¹⁵ Gwingita na nene nimgitabuwa; Nibi nage hamwechi mmasusu, Nimmogonona na umginuna. Wa masugu mengi nimgyusha, Na nene nimmonya uhogonona wanyi.