¹ Ii inywa isoga umtona MLUME, Na uligimba china lyobe, Ee Uli hegulu. ² Ulisamba keene chobe halwelo, Na uwilila obe mengi ma busugu. ³ Wa itundu ya migochi umi, Na wa ligimbi, Na wa uduga wa inubi. ⁴ Wa yulu waseelecha, MLUME, Wa mgilo gobe; Wa yulu ya bigilanywa bya maboo mobe. ⁵ Ee MLUME, nahi byabili byata bigilanywa byobe! Malanga mobe ii ida yata. ⁶ Mtu ahoso gushibabinama bibyo, Na mtu mmugi gushihubimana. ⁷ Batu bashi na kiine basunaga nahi byaanyi Na bose bangila biibi babeshama, Ii wa ibalo bichimiwe milumbu; ⁸ Bino Gogwe, MLUME, Wi Gugengeda ata milumbu. ⁹ Bululi babo ba tumangu tobe, Ee MLUME, Babo ba tumangu tobe twichimina, Na bagila biibi bisaliya iyaka bose. ¹⁰ Lwiga lwanyi wiluginuna nahi lwiga lwa mbogo, Mashinyiwa mauta mabisi. ¹¹ Na liso lyanyi lyibalingamina bene bali humbisamina, Litu lyanyi lyahulicha mwano gwa basone bene basumbilile. ¹² Mtu gwa kiine gwishama nahi lioo, Gubi nahi mmamba gwa Lebanoni. ¹³ Bene bauninywe mnda ndu gya MLUME Bishama mnda ibanja ya Abetcha etu. ¹⁴ Byibuta biguma ndaa na ubuuu bwabo, Byigilula na butongu na bubisi. ¹⁵ Bate mbila ugana MLUME ii gwa keene, Liwe lyanyi lya lyata, mnda mwage mushi umonenana.