¹ Mashamo mobe mali mabenju nahi ii,Ee MLUME gwa bilume pambwa! ² Ichuli-chuli yanyi ya mwego ilihumonena itima bibanja bya MLUME, Ehe, na ubigondela. Myima gwanyi na m'bili gwanyi Bilihumlilila Abetchaali hegulu. ³ Mgamba nago gwamona ndu, Na amgwigwi amona itala, Halibiile twana twage, U butambikilo bobe, Ee MLUME gwa bilume pambwa, Oolo lyanyi na Abetcha anyi. ⁴ Luhanga lusoga uli baya balihushama mndu gyobe masugu mose. ⁵ Luhanga lusoga wa guya uoma wage ulihuhuma obe, Na madila muugya Sayuni mali mnda mtima gwage. ⁶ Babehita mnda ibetabeta ya malilo, nuyita uba msula gwa madi, Ehe, Mbula gya lwelo gisuhala mihaa. ⁷ Gisugililile uhma uoma ndaa na uoma, Basumoneya Sayuni kila gumwechi umbele gya Abetcha. ⁸ MLUME, Abetcha a bilume pambwa, Uuhuliche usaba wanyi, Ee Abetcha a Yakobo, uhuliche. ⁹ Ee Abetcha,ngabo gyetu, ulingamine, Umlile yenyi mshinyiwa mauta gobe. ¹⁰ Winene lusugu lumwechi mnda bibanja byobe Mlusoga uhima masugu uki. Nisubaubenja nabe mgimanyi gwa umchango gwa Abetcha anyi, Uli ushama mnda hema lya usona. ¹¹ Bululi MLUME, Abetcha, ii chuba na ngabo, MLUME gwihila keene na ugengeda. Gushibagima itu ya isoga Babo balihugyata wa uwilile. ¹² Ee MLUME gwa bilume pambwa, Luhanga lusoga wa mtu gulihuudagila Gogwe.