¹ Ee Abetcha , ushilituche, Ee Abetcha, ushishame pii, na ushishame ata. ² Bululi tumangu tobe twaita alugi, Nabo bene balihuonywa baginuna miswe gyabo. ³ Hegulu ha babtu baita buyanja, Na udogomyana yulu ya baya bene bolibisile. ⁴ Baganine, Chuwe, Tuchinge koo bashibe iyaka mmoga, Na china lya Isilaeli lishiengelechiwa iyaka. ⁵ Bululi bahana malanga wa mtima gumwechi, Yulu yobe baita malagano. ⁶ Hema lya Edomu, na Baishimaeli, Na Bamoabu, na Bahagali, ⁷ Gebali, na Amoni, na Ameleki, na Filisti, nabo bene balihusha Tilo, ⁸ Ashuli nage gwahulichana nabo, Babawaticha baana ba Lutu. ⁹ Ubagilile nahi Bamidiani, nahi Sisela,Nahi Yabini, Ha ludi Kishoni. ¹⁰ Bene badigilwe Endoli; Bonuba unaga wa ibaloo. ¹¹ Ubaita bahela babo nahi Olebu na Zeebu, Na baana ba maoolo mabo nahi Zeba, na Zalmuna. ¹² Bebe baganine, Na twishama mndu gya Abetcha. ¹³ Ee Abetcha, ubaite nahi ihwili ya isukishi, Uba nahi bihupu umbele wa mnaga. ¹⁴ Nahi ahyaa alihuchigya isowa, Nahi ndili cha ahyaa chilihuchigya koono, ¹⁵ Bibyo noo byolibalama wa imbi ludi yobe, Na ubababula wa mnaga wa mabimbi mobe.