¹ Ee Abetcha, mioga gyagingila mnda buhyana bobe, Baludogya lubunga lobe luhaha. Baiita Yelusalemu uba mitala mitala. ² Babileya bitumba bya bagichi bobe Bibe iliwa ya tunonyi twa hegulu. Na mibili gya baachan bali hulisacha oli Gibe iliwa ya nyama cha ino ibaloo. ³ Bagesa mashi mabo nahi madi Ngubi chose cha Yelusalemu, Na hashibele mchiya.. ⁴ Tusili huambilwa na babinji netu, Wenja na bulaba ubaya bene bali batuchungulubu. ⁵ Ee MLUME, ata mengo nai? wimona sungu milumbu? Buwa bobe bwilama nahi ahyaa? ⁶ Buhuchi bobe bubaloole mioga gyine gishiugidi, Na buoolo bwine bushihugita china lyobe. ⁷ Bululi bamya Yakobo, Na bulihodecho bwage babudogya. ⁸ Ushiengeche yulu yetu usona wa bamasetu, Keene chobe chichwe watuli abilo, Bululi twasachiwa abisa. ⁹ Ee Abetcha a uhogononywa wetu, utuwatiliche, Wa yulu ya ugengeda wa china lyobe. Utohogonone, utuleelele buubi bwetu, Wa yulu ya china lyobe. ¹⁰ Yulu yai mioga gisugana Ali uhi Abetcha abo? Ugiwidicha wa mashi ma bagichi bobe mageseye Imanyiye hawingi ha mioga u meso metu. ¹¹ Usumwa wage mmambwa uhiye u meso mobe. Wa ulamana na uosha wa uboo obe Ubause baana ba bitumba. ¹² Ubalipe babinji netu nyendo njwii m'byali byabo Uambilwa wabo wabali bauambile, Ee Mlume, ¹³ Na beswe batu bobe, Na miyoo gyobe gyosulisha, Twiutona milumbu; Twilisamba punda chobe ibushi wa ibushi.