¹ Niimgita Abetcha wa lidi lyata, Ehe, wa lidi mbila Abetcha nao ipulicha. ² Lusugu lwa asusu anyi nimmengile Mlume; Uboo wanyi ugololwe m'busugu ushilebele; Ichuli-chuli yanyi ya mwego ihanyinye uhungiwa. ³ Handibenjiche ummengelecha Abetcha ninogeye mtima; Handibele huenga ulanga mtima gwanyi guchiminye malanga. ⁴ Uwatile bilili bya meso manyi bishi buumbe; Nimonine adugwa nishioche udogoma. ⁵ Niengeleche mwano gwa masugu ma aala, Myaa gya alaa gihwile uhita. ⁶ Naengelecha lwimbo lwanyi m'busugu, Naengelecha mnda mtima gwanyi, Mtima gwanyi gwaenga. ⁷ Wi wii! Mlume gwitutela milumbu na milumbu? Gushimonya yano yage iyake? ⁸ Uleelela wage wasunga ata milumbu? Malagano mage mahwa ata bibushi byose? ⁹ Abetcha agibilila yano yage? Gwachibila busoga bwage? ¹⁰ Niganine, Noo bulema bwanyi bubo; Mndi niengelechamyaa gya uboo wa ulume wage Gee gulu hegulu. ¹¹ Niengelecha bihisho bya Mlume, Ehe, Nibiengelecha bisaga byage bya alaa. ¹² Iyaka nilanga mgilo gobe gose; Niengelecha mwano gwa bigilanywa byobe. ¹³ Ee Abetcha, ndila gyobe gili mnda buhaha bobe; Mnanyi guli abetcha nahi Abetcha? ¹⁴ Gogwe noo Abetcha alihugila bisaga; Uumoninye uoma obe hawingi ha mioga. ¹⁵ Wa uboo obe wabahogonona batu bobe, Baana ba Yakobo na ba Yusufu. ¹⁶ Ee Abetcha, maya madi muumonine, Maya madi muumonine, mamonine booba. Mabenga ma madi namo madandile. ¹⁷ Matimba magesila madi. Gulu nalyo lihuminye lidi, Migwi gyobe nagyo giwagiye . ¹⁸ Lidi lya kuba gyobe libele nahi isukishi; Ahenyuhenyu alamiye sii. Ibaloo idandile na udigila; ¹⁹ Ndila byobe gibele mnda bahali. Na buhitilo bobe bubele mnda madi meengi; Matamba mobe meshimanyiye. ²⁰ Ubalombwele batu bobe na hi ihichi, Wa uboo wa Musa na Haluni.