¹ Mmibalo ya Yuda Abetcha amanyiya, Na wa Isilaeli china lyage ii lyata. ² Itula yage iyaka ili Salemu, Na bushamo bwage buli Sayuni. ³ Ubo noo wene welinogile migwi gya buta, Ngabo na ahilu, byulwa nabyo bita. ⁴ Gogwe, Noo nine wina bibya bisoga na bya bumona bwingi, Nahi usala loono lwa kole. ⁵ Bawaswa kole bene bina mitima giomu; Balala tulo; Na bashimonine maboo mabo Batu bose bene bali na uoma. ⁶ Wa uambila obe, Ee Abetcha a Yakobo, Abilibili na falasi bawaswa na tulo. ⁷ Gogwe noo usubabula, ehe, Gogwe; Mnanyi gunaosha ugimana holiwata sungu? ⁸ Uhuma hegulu utele mtambila gwa uonona; Sii gimonine booba gishamine pii. ⁹ Abetcha haagimene yulu gaonone Na gahogonone bachumba-chumba bose ba ino ubaloo yose. ¹⁰ Mndi sungu cha batu chiutona, Isunga ya sungu wilihamba nahi mchingo mlubunda. ¹¹ Mubiye ulibindila, mwauhunye wa MLUME, Abetcha enyu. Bose bene bali bamchunguluwe bamme alambwe, Gee no gulingye usinywa. ¹² Gee gusuala mitima gya bahela; Na ubababula bamaoolo ba ino ibaloo.