¹ Ee Abetcha, tuha buswachi. Tuha buswachi yulu yachina lyobe lili hoka netu; Batu balihugombola yulu ya bigilanywa byobe bya bisaga. ² Handihyila mengo mene malimaganywe, Nene nionona uonona wa kiine. ³ Inangwa ibloo na bose bene balihusha moo binaleta alugi Nene mine nibigimiya bihanda byage. ⁴ Nibasambile bene balihulitona , bashilitone; Na bene bashi na kiine bashiginune meega. ⁵ Mushiginune meega menyu hegulu, Na mushidogome wa maoshi ma buhuli-huli. ⁶ Bululi nishi lubi lwa mlugulu na nishi mmanda, Na mgala musuhuma anyemu. ⁷ Bibyo Abetcha noo ene asuonona; Gususacha gugu na gusuginuna gugu. ⁸ Bululi mmuboo mwa Mlume muli isengo, Na byunywa byage bilihuhuma ihuchu; Mulimgiluchu msupagano; Nage gusuhongolola. Na bishishi byage ii bene bashi na kiine ba ibaloo bebihiha na ubinywa. ⁹ Mndi nene nilisamba bigilanywa byobe milumbu, Nimgimbila Abetcha a Yahoo. ¹⁰ Meega mose ma bene bashina kiine nimageda, Na meega ma btu ba kiine miginyuwa.