¹ Ee Abetcha, yulu yai watutela milumbu? Yulu yai sungu chobe chilihuhuma mii Yulu ya miyoo gyosulisha? ² Uliengeleche sumbilo lyobe, Lyoligulile aala. Lyolihogononye libe mmoga gwa buhyana bobe, Loono Sayuni loliitile uba bushamo bobe. ³ Uhaginunine magulu mobe haya hadogile milumbu; Amangu agila kila buubi haya ha haha hobe. ⁴ Basusuchi bobe balihuduga hawingi ha sumbilo lyobe; Babiya mabendela mabo uba mgwalo. ⁵ Balihumoneya nahi balihuginuna matemo, Bagede miti gya mmisowa. ⁶ Na bino buhungwe bwage bose bwibelwa-belwa wa matemo na manondo. ⁷ Bahateya ahyaa ha haha hobe; Bahadogya habushamo bwa china lyobe mpaga hasi abisa. ⁸ Baganine mmitima gyabo, Na tubachimye abisa; Ihana ya usumbilo lya Abetcha Bahachigya ahyaa na mnda sii gyose. ⁹ Tushihubimona bisaga byetu, ata bibo hashi bwuwa, Ata bino watuli hashi gulihumana ata mengo nai? ¹⁰ Ee Abetcha, msusuchi gwiambila ata mengo nai?Amangu ibedula china lyobe ata milumbu? ¹¹ Bululi bwai wagiwicha uboo obe, Ehe, uboo obe wa ulume, Uuhunye myali mobe , Ubachimye abisa. ¹² Bibyo Abetcha noo oolo lyanyi utula aala, Gugilile bihisho bya uhogonona m'bwingi na sii. ¹³ Gogwe wagabula bahali wa uoma obe, Wabele miswe gya nyangumi hegulu ha madi. ¹⁴ Gogwe wagisusula miswe gya ng'wena, Gube ililwa ya batu ba mlwanaganywa. ¹⁵ Gogwe uchuwiche misula na ichiba; Gogwe uguminye ngudi china madi masugu mose. ¹⁶ Mengo ma chuba mmobe na ma busugu mmobe, Gogwe noo uitile lwenge na chuba. ¹⁷ Gogwe ubiile ng'umba chose cha sii, Kaskazini na kusi II Gogwe ubilongiche. ¹⁸ Ee Mlume, ubyengeleche bibyo, amangu aambile, Na batu bahugi babeda china lyobe. ¹⁹ Ushigihe nyama gya buhuchi ichuli-chuli ya mwego ya diba lyobe; Ushigugibilile milumbu mwego gwa batu bobe bene bamonenywe. ²⁰ Uaengeleche alago, Buluhi ihana yine ili mdoo mnda sii Hagilula bushamo bwa buubi. ²¹ Mine gumonenywe gashigiwile gwabiwa abule, Alema na msabi balitone china lyobe. ²² Ee Abetcha, ugimane, ulidogomene gogwe mine, Uengeleche byolihutuwiwa na mmugi chuba lyose. ²³ Ushigibilichi lidi lya basusuchi bobe, Alugi abo bene bali huubisamina asela masugu mose.