² Gogwe usuhulicha usaba, Bose bene bina mibili biuchwilila. ³ Inangwa bisone biingi byammima, Gogwe wiunina bigilanywa bibii byetu. ⁴ Luhanga lusoga wa guya mtu gwamsobola, Na umgaa gashame mndu gyobe. Na tugyute yano ya mndu gyobe, Hahaha ha ihwilo yobe. ⁵ Wa bihisho bya utugagicha witugaa, Wa kiine, Ee Abetcha a uhogononywa wetu. Gogwe uli maudagilo ma isula yose ya ibaloo, Na ma bahali lili koo abisa. ⁶ Koono usuchigimiya wa uoma obe, Na usulihamba uoma nahi mchingo. ⁷ Usuhocha utupuwa ose wa bahali, Utupuwa ose wa mabimbi mage, Na uchigilicha wa mioga; ⁸ Wa bibyo bene balihushama koo balihusina bikoko byobe; Michango gya halwelo na gya igolo wagiseelecha. ⁹ Wauchwila ibaloo na wiibiya tee, Na wiibiya bumona bwingi; Ludi lwa Abetcha lwagilula madi; Ubabiile batu biliwa yulu noo Gogwe ubumbile sii. ¹⁰ Matuta mage wamagilucha madi; Wahaolola hahatundubu, Wagidibya sii wa mbula gya lunyange; Wabihalila mihaa biunaganywa byage. ¹¹ Waguchwiya mwaa sala gya keene chobe; Buhitilo bobe bulihunoa unona. ¹² Ulihunoela byaanyi bya mgala, Na tuono twalihamba saso. ¹³ Byaanyi bya uliwa byachwiiwa miyoo, Na bibetabeta byagilula biliwa bee, Byaseelela, Ehe, byagimba.