¹ Mumtele Abetcha bigelegele bya useelela, sii gyose. ² Gimbwe ugengeda wa china lyage Ginunywe punda chage ³ Mgimbilwe Abetcha, Bihisho byobe bilihudanja nahi ii? Yulu ya bwingi bwa uoma obe, Tumangu tobe twichwa ulisacha umbele obe. ⁴ Sii gyose gyiutona na uugimbila, Ehe, yiligimbila china lyobe. ⁵ Chuwe ulisamba bigilanywa bya Abetcha; Udanja wa biya byelihugila batu; ⁶ Gugalulile bahali uba sii gya gigumu; Mnda ludi badabuile na magulu; Uya noo wamli bamseelele. ⁷ Gulihuhyilila wa uosha wage milumbu; Meso mage malihulola mioga; Bene bali babenge bashiliginune bichuli-chuli byabo bya mwego. ⁸ Benywe mioga mumginune Abetcha etu, Mulisanbe lidi lya punda chage; ⁹ Mine gubiilebichuli-chuli byetu bya mwego uba poo, Na gushileile uguluwetu ulungwa. ¹⁰ Bululi watutonda, Ee Abetcha, Watutonda nahi bisutonjwa nolo. ¹¹ Utugingiche mnda bwila, Na utubiya mmunda chetu michigo gya bushito. ¹² Ubasediche batu hegulu ha miswe gyetu. Tuhitile mmahyaa na mmadi; Utuhuminye na utubiya wihana ya isoga. ¹³ Nigingila mndu gyobe na lutangi lwa uchigya; Nihunya oli ulibindila wanyi; ¹⁴ Wine wandiganine na milomo gyanyi; Anywa anyi adogomine handibele mnda asusu. ¹⁵ Lutangi lwa nyama cha unona niutangila,Hamwechi na miyoo gya malunga uchigya, Nitangila ng'ombe hamwechi na mabuchi. ¹⁶ Chuwe, hulichiwe, benywe bose bene balihumnyemya Abetcha,Na nene nilisamba byeligile mtima gwanyi. ¹⁷ Niigitile wa anywa anyi, Na punda gyata gibele mnda lulimi lwanyi. ¹⁸ Nambo nisubaulanga mnda mtima gwanyi, Mlume gusabahulicha. ¹⁹ Winene Mlume gwahulicha; Gwahulicha lidi lya usaba wanyi. ²⁰ Na gaginunywe Abetcha ashibahanya usaba wanyi, Na gusahumya yano yage wandi.