¹ Ee ABETCHA, Abetcha anyi, niuenga abilo, Ichuli-chuliyanyi ya mwego ili huumonena yuuma, M'bili gwanyi guli huumonena itima, Mnda mgala gwa gugumu na ihwili, gushi na madi. ² Noo byandiulolile u buhaha, Naumone uoma obe na ugengeda obe. ³ Bululi yano yobe ii yisoga uhima mwego; Milomo gyanyi gyiutona. ⁴ Bibyo noo byandi uhalila mihaa wa yulu ya mwego; Yulu ya china lyobe niginuna maboo manyi. ⁵ Ichuli-chuli yanyi ya mwego ibi na buswi nahi ugyuta mauta na binoonyu; Anywa anyi iutona na wa milomo gya saso. ⁶ Handiuengelecha mmingo yanyi, Nuengelecha Gogwe mayaya mose ma busugu. ⁷ Bululi Gogwe Usili maudagilo manyi, Na m'ichuli-chuli ya bihwahwa byobe niseelela. ⁸ Ichuli-chuli yanyi ya mwego ili huulama abisa; Uboo obe wa ulume wangegeya. ⁹ Bibyo bene balihuenga ichuli-chuli yanyi ya mwego badogye; Bigingila luubi lwa sii luli hasi. ¹⁰ Bihumiwa ubo yulu bahagwe wa uoma wa ahilu, Babi biliwa bya mibwabwa. ¹¹ Bibyo oolo lyiseelela Abetcha, Gegese gwilaha wa china Lyage gwimona saso, Yulu tunywa twa badogomi ba lulimi twibumbwa.