¹ Mlume, ushikambile wa buhuchi bobe, Na ushipule wa buhuchi bobe, ² Mlume undeelele, yulu nahuhonga; Mlume uponye, mauda manyi magingila iduba, ³ Na ichuli-chuli yanyi ya mwego ili huhabagana-habagana abisa; Na Gogwe, Mlume, ata mengo nai? ⁴ Mlume gwagiwila, uhonye ichuli-chuli yanyi ya mwego, Upogonone yulu ya uleelela obe. ⁵ Bululi u lubu ushi uengelecha obe, Yulu usinda mnanyi mine gwiuha buswachi? ⁶ Niimine yulu ya usumwa wanyi; Masugu mose nilihusambila ingoo yanyi; Nidobiche bulalilo bwanyi na byosochi byanyi. ⁷ Liiso lyanyi lwadoga yulu ya usumbuka, Na uchwa ikama-kama yulu ya baya bene balihunjikilicha. ⁸ Humwe wandi, benywe bose bene balihugila buubi; Bululi Mlume gwahulicha lidi lya lilo lyanyi. ⁹ Mlume gwahulicha usaba wanyi; Mlume gwabenja usaba wanyi. ¹⁰ Tumangu twanyi tose twidamba mme na iduba, Bigiwila mnyuma, wa abilo bidamba mme.