¹ Mlume, Abetcha anyi, Nusinine Gogwe, Upogonone na bose bene balihundama, uponye. ² Gashichwe usambula ichuli-chuli yanyi nahi tambwe, Gwibela-bela na hashi na gwihonya. ³ Mlume, Abetcha anyi, inangwa nagila bino, inangwa mmaboo manyi muli buubi, ⁴ Inangwa namgiwidicha buubi guya gushamine wandi wa talala; ( Nangu! Nimmoninye guya Gubele amangu anyi na hashi ibalo;) ⁵ Bino amangu na andame, Na uwata ichuli-chuli yanyi ya mwego; Ehe, gahyilile mwego gwanyi, Na ulacha ugengeda wanyi mmihwili. ⁶ Mlume ugye wa sungu chobe; Uliginune hegulu ha tymangu twanyi; Ubyuwe yulu yanyi; Wahila uononywa. ⁷ Sumbilo lya mioga na lyuchunguluwe, Na hegulu hage hashame uhyilila. ⁸ Mlume gwigeda milandu gya mioga, Mlume, ukonone nene, Ulamana na kiine chanyi. Nahi bili ulisacha wandi nao. ⁹ Buubi bwabo bwa bene bashi na kiine na busunge, Mndi gabiwe hululu mtu gwa kiine. Yuilu mtonji gwa mitima na munda No gogwe Abetcha ina kiine. ¹⁰ Ngabo gyanyi gyina Abetcha, Gusuhogonona babagolobu mitima, ¹¹ Abetcha asugeda milandu wa kiine, Ehe, Abetcha asuchigililwa masugu mose. ¹² Mtu gusahugiwila gwimona ahilu age; Guhingile tuba bwage na ububiya tayali; ¹³ Nage gwanongecha byulwa nabyo bya uhaga, Gwiitile migwi gyage uba gya amyaa. ¹⁴ Loola guno gwina busungu bwa buubi, Gwaswala gumo lya ahona songa, gwabuta ubichana. ¹⁵ Gwadaba inaa, gwadaba ya ugya mbye abisa, Gwahulubila mnda mdabwa gwelidabile! ¹⁶ Byeli hugilila gange byimgiwilila mswe mage gee mine, Na usapa wage wimgiwilila mlubombo. ¹⁷ Nimginuna Mlume ulamana na kiine chage; Niligimbila china lya Mlume guli hegulu.