¹ Ee Mlume uhuliche binywa bya anywa anyi, Ulole uengelecha wanyi. ² Ulihuliche lidi lya lilo lyanyi, Ee Mlumyanyi na Abetcha anyi, Yulu Gogwe noo gwandisusaba. ³ Mlume, lwelo wilihulicha lidi lyanyi, Lwelo niubiila usaba wanyi na ulolela. ⁴ Bululi ushi Abetcha asubenja buubi; Mtu m'bii gushishama oli; ⁵ Bulimona bashigimana u meso mobe; Wibaonywa bose bene balihuigila buubi, ⁶ Wibadigya badogomi ba lulimi; Mlume gusumsacha mmagi na guya gwa buhuli-huli. ⁷ Mdi nene, yulu ya bwingi bwa uleelela ube, Nigingila mndu gyobe; Na ubunga machwi wa bunyemu, Na ulugila lubunga lobe lwa luhaha. ⁸ Mlume, umlombole wa kiine gyobe, wa yulu ya baya bene bali humbisamina, Utatile ndila gyobe umbele wa yenyi yobe, ⁹ Bululi mtunywa twabo mushi uwilila; Mitima gyabo ii ina hululu, na miino gyabo ii sinds hululu, Ndimi chabo chili hulipendekeza. ¹⁰ Gogwe, Abetcha, ubaonone, Na bagwe yulu ya mihungo gyabo. Ubatobole hambuga yulu ya bwingi bwa buubi bwabo, Bululi buhanya Gogwe. ¹¹ Nabo bose bene bali huusinina biseelela; Bita bigelegele bya saso, Yulu Gogwe ulihubaosa, Bene balihubenja china lyobe biuseelela. ¹² Bululi Gogwe wimmala miha mine gwinw kiine; Mlume, wimchunguchia mitima uba talala nahi ngabo.