¹ Ee Abetcha a kiine chanyi, Ungitabuwe handigita; Ungitile ihana mengo ma unyogwa; Undeelele na uhulicha usaba wanyi. ² Benywe batu, ata mengo nai ugengeda wanyi widamba mme? Wi wii! Mulihubenja buubi na uenga lulimi? ³ Mumane ugana Mlume gwalisobolela msobolwa; Mlume gwipulicha handimgita. ⁴ M'be na iduba na mushigile buubi, Mwengeleche m'bingo byenyu na ulitucha. ⁵ Muhane lutangi lwa kiine, Na umudagila Mlume. ⁶ Bengi balihugana, Nanyi gwitumonya bisoga? Mlume, utuginunine lwenge lwa yenyi yobe. ⁷ Wambiya saso mnda mtima gwanyi, Uhima wabo habali bagiluchiwe biliwa na divai. ⁸ Bululi bwa talala nililacha na uba na tulo hoka haho, Yulu gogwe, Mlume, gogwe buchima, Noo gogwe ulihubenja nashame wa talala.