¹ Mlume, batu bukonona bahuchili uba beengi, Ii bengi bene beli hususula, ² Ii bengi bene belihusambila ichuli chuli yanyi ya mwego, Gugu gushi na uhogononywa wa Abetcha. ³ Na Gogwe, Mlume, Uli ngabo gyanyi ngubi chose, Bugengeda bwanyi na buginune mswe gwanyi. ⁴ Wa lidi lyanyi naigita Mlume Nage gwangitabuwa uhuma uloono lwage luhaha. ⁵ Nililachiche nilalile tulo, nibyuwile, Yulu mlume gwambwatilicha. ⁶ Nishibamona booba batu maumi uki, Bene bali balibiye yulu yanyi ngubi chose ⁷ Mlume, Ugimame , Abetcha anyi, upogonone, Bululi wabahula mbachu tumangu twanyi tose. Wababele meeno bene bashi na kiine. ⁸ Uhogononywa uli na Mlume; Mihaa gyobe na gibe hegulu ha batu bobe.