¹ Yulu yai mioga gyaita alugi, na bawaibaloo balihulanga bibii? ² Bamaoloo ba ino ibaloo balisumbicha, Na baulu bahunga mmungu hamwechi, Yuluy Mlume, Na yulu ya Mmuswa mauta* gwage, ³ Na tubibele bihambo byabo, Na ugitela koo netu migochi gyabo. ⁴ Guya gilimshame hegulu gwaseya, Mlume gwabaitila bya msebululo. ⁵ Haho noo helidogoma nabo wa sungu chage, Na ubadambya mme wa buhuchi bwage. ⁶ Nene nabiya oolo lwanyi hegulu ha Sayuni, loono lwanyi luhaha. ⁷ Nilisamba alago; asambile Mlume, No gogwe mwananyi, Nene lino nuubuta. ⁸ Usabe, na nene nuuha mioga uba buhyana bobe, Na usila ya ibaloo uba buolo bobe. ⁹ Wibahula wa ati a igela, Na ubabela nahi lweso lwa mtondo lwa m,bumbi. ¹⁰ Ba bino, benywe maoolo, m'be na lwenyi, Benywe bagechi ba milandu ba ino ibaloo, mulangulwe. ¹¹ Mumgilile Mlume wa unyemya, Seelelwe wa udanda. ¹² Waswe yine ili isoga, gashichwe ugila wa sungu Na benywe mushichwe uchimina mndila, Bululi sungu chage chilihuchwa wa abilo abisa. Luhanga lusoga u baya bene bali humsinina.