¹ Ii winene, benywe baosobu, mulihudogoma kiine? Benywe btu mulihuonona wa ubenju? ² Bishibyo! Mmitima gyenyu mulihugila bisone; Mnda ibaloo mulihupima bisone wa maboo menyu. ³ Bene bashi na kiine balibagule utula ubuswa wabo; Utula mnda mwa minabo bachimine, balihudogoma lulimi. ⁴ Sumu chabo ii mlingilisho gwa sumu cha ndowa; Mlingilisho gwa suti gya ihuli gyagichibe litu lyage. ⁵ Gishihuhulicha lidi lya bagabo, Inangwa balihulongya maganga wa wino. ⁶ Ee Abetcha, Unoge meeno mabo mnda tunywa twabo; Ee MLUME, unoge magegoma baana ba matambwe. ⁷ Na bahunyiwe nahi biya madi ma mmuwa byamasugya abilo; Byesuhila migwi gyage, gya gisute bwigi. ⁸ Nahi yobu ya isumbulubu na uhwa, Nahi biya gumo lyahuma na lisamona chuba, ⁹ Hambele ha ngeso chenyu upata ahyaa a miigwa, Gwibigulula nahi biya mnaga, Guligya gubisi na guli ahyaa. ¹⁰ Gwa kiine gwiseelela helimona ugiwidicha buuubi wa buubi; Gwigoga magulu mage mnda mashi ma babii. ¹¹ Na mtu gwigana, Winene hali alambwe age a mtu gwa kiine. Winene Abetcha ali hoo alihuonona ino ibaloo.