¹ Muhuliche bino, benywe mioga gyose; Hulichiwe, benywe bose mulihushama mmibaloo. ² Batu ba miungu na batu ba tulela bose hamwechi, Mona na mbuchu bose hamwechi. ³ Anywa anyi idogoma bya lwengu, Na malanga ma myima gwanyi mabi ma lwenyi. ⁴ Nitega litu lyanyi nahuliche mihingu, Na uta ida yanyi wa inubi ⁵ Yulu yai nasine chuba lya asusu, Buubi bubenyunguluwa u magulu manyi? ⁶ Na uli baya bene balihuudagila bomona bwabo, Na ulitona yulu ya bwingi bwa bamona bwabo; ⁷ Hashi mtu gunaosha uhugonona mshiwabo, Na ata uuma Abetcha bumona bwa uhogonona mshiwabo, ⁸ (Yulu bumona bwa uhugonona ichuli-chuli yabo ya mwego ii bwingi Na gushi hubenja uileya ichimine milumbu;) ⁹ Yulu gashame masugu mose gashimone sinda. ¹⁰ Ehe, gwilimona, ata bene bali na lwengu basuuwa; Mmugi na ihinda basuchimina hamwechi na ubashigila banga bibya byabo. ¹¹ Siinda noo madu mabo ata milumbu, Bushamo bwabo bibushi na bibushi. Babo bene bahele mabala mabo Machina mabo. ¹² Bibyo mtu gusugililila ushamana anyemu, Mndi gulimwanane na nyama chine chisuchimina. ¹³ Mamo noo madila mabo, buhugi bwabo, Na baya biba hanyuma habo bihyana binywa byabo. ¹⁴ Nahi moyoo gyabiwa ugya usinda, Na lubu luli hubahemba; Batu ba bateyamanyu bibahyilila halwelo; mibili gyabo chyidoga, bushamo bwabo ii usinda. ¹⁵ Mndi Abetcha ihogonona ichuli-chuli yanyi ya mwego, Gwipunya mmuboo wa sinda, yulu gwingaa wage. ¹⁶ Ushisine nambo mtu helibi mona, Na ubenda wa ndu byage hawigililila. ¹⁷ Bululi haliwa gushiguha itu yoyose; Ugengeda wage ushisala ugya namlama. ¹⁸ Inangwa gwinahala mihaa ichuli-chuli yage ya mwego gwilibele na mwego, Na batu biutona ubeligilila bisoga, ¹⁹ Gwigya wine uli ibushi ya sage Bashimona lwenge milumbu. ²⁰ Mtu mine gwina anyemu, inangwa gushi na lwenyi, Gwalingilishiwa na nyama chine chichimina.