¹ Mlume noo guli mmata, Na gwa utonywa abisa. Mnda mbuga gya Abetcha etu, U loono lwage luhaha. ² Uginyuwa wage ii yusoga, Noo saso lya sii gyose. Loono lwa Sayuni lubi lwa uboo uachi wa ibaloo, Mbuga gya Oolo lya lyata. ³ Abetcha mmadu mage gwalimanya uba liwe lya lyata lya businino. ⁴ Bululi loola,maoolo masumbile; Bahitile bose hamwechi. ⁵ Baminine,nabo nuugagilwa; Badidibuwile na usina. ⁶ Hoka haho ititicha ibabangile, Busungu nahi mmachana gulihubuta. ⁷ Wa mnaga gwa mlugulu ibaloo Gwabele mbato bwa Talshishi. ⁸ Nahi byatuhuliche, noo byatumonine, Mnda mbuga gya Mlume gwa bilume pambwa. Mbuga gya Abetcha etu; Abetcha igiita uba tee milumbu. ⁹ Tulihucheelecha yano yobe, Ee Abetcha, M'bwingi mwa ihwilo yobe. ¹⁰ Nahi byalili china lyobe, Ee Abetcha, Byoka biya punda chobe ata isula ya sii.Uboo obe wa ulume uli ugiluchu kiine; ¹¹ Na lumone saso loono Sayuni. Misiha gya Yuda giseelele Wa yulu ya uonona obe. ¹² Mugyate m Sayuni, Chunguluwe mbuga, Balwe minala gyage, ¹³ Mubiye mmitima migimbo gyage, Engelechiwe madu mage, Bululi mwaoshe uisambila ibushi yine yichwa. ¹⁴ Bululi noo byali ABETCHA, Abetcha etu. Milumbu na milumbu Gee noo gwitugolwela.