¹ Benywe batu bose, gombwe kasa, Mumtele Abetcha bigelegele wa lidi lya useelela. ² Bululi Mlume Guli hegulu noo gu danja, Noo oolo lya lyata hegulu ha sii gyose. ³ Gwibasacha batu ba sii gyose hasi hetu, Na mioga hasi ha magulu metu. ⁴ Gwitusobolela buhyana bwetu, Ulitonawa Yakobo gwelibandiche. ⁵ Abetcha aselahegulu wa mdodo gwa useelela, Mlume wa lidi lya asiba. ⁶ Mumgimbile Abetcha, ehe, gimbwe; Mumgimbile oolo lyetu, ehe, gimbwe. ⁷ Bululi Abetcha noo oolo lya sii gyose, Gimbwe wa lwenyi. ⁸ Abetcha noo alihuhyilila mioga, Abetcha ali ashame witi yage ihaha. ⁹ Baulu ba batu basumbila, Babe batu ba Abetcha a Ibulahimu. Yulu ngabo gya ibaloo yose igima ii Abetcha, Aginyuwa abisa.