¹ Abetcha wetu beswe ii businino na uoma, Bwatilicho gyimoneya bee mengo ma asusu. ² Wa bibyo tushimona booba inangwa ibaloo inadoga, Inangwa koono chinadanda mnda mwa bahali. ³ Madi mage minahila na utupuwa, Inangwa koono chinadigichiwa wa yulu ya ulimona wage. ⁴ Hali luudi, migechi gyage gilihuseelecha mbuga gya Abetcha, Hahaha ha bushamo bwage Guya guli hegulu. ⁵ Abetcha ali hawingi hage gishidanda; Abetcha igiwatilicha lwelo buliyeshe. ⁶ Mioga gichigililwe, maoolo masibele na uhola; Gudogomine na sii gisumbuliwile. ⁷ Mlume gwa bilume pambwa guli hamwechi netu, Abetcha a Yakobo ii mawe metu ma malahu ma bisinino bwetu. ⁸ Chuwe mubilingamine bihisho bya Mlume, Byeligilile sii uba mauwa. ⁹ Gwahwisha bita ndaa na isula ya ibaloo; Gwanoga mataa, gwageda sumo, gwachigya tubili-bili wa ahyaa. ¹⁰ Leewe, mmane ugana Nene noo Abetcha, Niginunywa hawingi ha mioga, niginunywa mnda sii. ¹¹ Mlume bwa bilume pambwa guli hamwechi netu, Abetcha a Yakobo noo mawe metu ma malahu musinina.