¹ Mtima gwanyi gwagilula na inywa isoga, Nene nadogoma byandimmitile oolo; Lulimi lwanyi ii kiliyo gya mgochi na mino. ² Gogwe uli m'benju uhima batu; Keene gyahongololwa mmilomo gyobe, Wa bibyo Abetcha uhalile mihaa ata milumbu. ³ Ulihambe ahilu obe u tango, gogwe uli na uoma, Ugengeda ii obe na punda ii chobe. ⁴ Mnda punda chobe ushama ugililile Wa yulu ya winene na uhola na kiine Na umooobe wa ulume Wiugigya bihisho bya udanja. ⁵ Migwi gyobe gili bwigi, batu basugwa hasi hobe; Bilimo mndamwa tumangu twa oolo. ⁶ Iti yobe ya buolo, Abetcha, ii ya milumbu na milumbu, Lubango lobe lwa buolo ii lubango lwa kiine. ⁷ Usuunda kiine; Uswuonywa umonenana. Wa bibyo ABETCHA, Abetcha obe, gushinya mauta , Mauta ma saso uhima beenobe. ⁸ Bichwalaganywa byobe byose bilihunyuka malashi na bushio bwa mti na bushio bwa byula bya mti na bisuliwa. Na madu ma ndiga Binubi bisuuseelecha. ⁹ Misiha gya maoolo balimo Mmanga gwa baachi bobe babawilile. Uboo obe wa ulume gwagimana mmaoolo Mchwale nolo cha Ofili. ¹⁰ Hulicha, msiha, ulole,utege litu lyobe, Ubagibilile batu bobe na ndu gya sobe, ¹¹ Nage oolo gwibenja buhungwe bobe, Gee noo mlumyobe, na gogwe wim'bungila machwi. ¹² Na msiha gwa Tilo gwaleta uosha wage weli nao wa ugila, Nabo bamona ba batu balihugya ulimonya umeeso mage. ¹³ Msiha gwa oolo guli mnda gwina punda chage kaa, Bichwalaganywa byage ii bya migichi gya nolo. ¹⁴ Gwihilwa wa oolo na bichwalaganywa biluwilwe wa ubenda. Mange masindi nage bene balihumlama, Bihilwa obe. ¹⁵ Bihilwa wa saso na useelela, Na ugingila ndu gya oolo. ¹⁶ Mahali ha sobe babi baana bobe, Wibaita uba baata mnda sii gyose. ¹⁷ China lyobe nilyita uba kengelecha Mnda bibushi byose. Bibyo mioga biuginanina milumbu na milumbu.