¹ Luhanga lusoga wa guya gulihubaengelecha ba tulema; Mlume gwimmogonona lusugu lwa asusu. ² Mlume gwimmusa na um'bisa uba na mwego, Nage gubi na bitundu mmibaloo; Na ushim'biye nahi biya bilihubenja tumangu twage. ³ Mlume gwim'bwatilicha heli msomwa wingo. Mnda usomwa wago gwimmonya. ⁴ Nene niganine, Mlume, umonene keene, Uponye mtima gwanyi bululi nuugila buubi. ⁵ Tumangu twanyi tulihunumbula wa binywa biibi, Gwiwa mengo nai, china lyage lyachimine? ⁶ Gumwe gwabo gabechwa liningamina na udogoma lulimi, Mtima gwage gulihuliongwela buubi, Nge hesutobowa hambuga nubugana. ⁷ Bose bene bali hukonywa bali hudogoma wa tung'eneng'ene, Balihunangila biibi. ⁸ Inya ya sungu ili mmanywa, Na inangwa gabelala gushigimana iyaka. ⁹ M'bisagulu gwanyi gwandiudagile, Gulile iliwa yanyi, Gwanginunina ashindagulu age. ¹⁰ Bino Gogwe, Mlume, umonene yano, Unginune naoshe ubaha buubu wa buubi. ¹¹ Wa yulu ya ino inywa nigidi umenja, Bululi amangu anyi ashibashimanga wa uhima. ¹² Nene yulu ya uwilila wanyi wangegamya, Wambiya umbele wa yenyi yobe milumbu. ¹³ Uginunywe Mlume, Abetcha a Isilaeli, Utula milumbu na milumbu, Noo bibyo na Noo bibyo.