¹ Nimmembile Mlume wa ulitolelecha, Gunginamine yulu gahuliche lilo lyanyi. ² Gupuminye uhuma mmina ya udoga, Uhuma wi itete ya bushee; Gugiye magulu manyi u liwe lya lyata, gumagimenye matamba manyi. ³ Gubiile lwimbo lwa luhya mmanywa mwanyi, Noo punda gyage Abetcha etu,Beengi bimona na bimona booba, Nabo bimmudagila Mlume. ⁴ Luhanga lusoga wa guya gwamnita Mlume uba maudagilo mage, Na gushibagilile batu bene bulihulicha, Na ata baye balihugaluwila ubichana. ⁵ Ee Mlume, Abetcha anyi,Wagila bisaga biingi na malanga mobe watuli; Hashi gunalingilishiwa nobe; Nambo nabachina ulusamba na uta mbila; Ii biingi abisa bishinabalwa. ⁶ Zabihu na lutangi ushibibenjiche, Matu manyi wamachibula, Lutangi lwa uhanana na lutangi lwa buubi ushichibendiche. ⁷ Bibyo niganine, Loola nihuchwa, ( Umakalatashi ma ulusungulo nigolilwe,) ⁸ Uita ubenja obe, Ee Abetcha anyi, noo saso lyanyi; Ehe, m'bindo gobe guli mnda mtima gwanyi. ⁹ Nilisambile mwano gwa kiine mnda sumbilo lya lyata. Nishibumbile milomo gyanyi; Ee Mlume ugidi. ¹⁰ Nishibisile kiine gyobe mnda mtima gwanyi; Nilisambila uwilila obe na uhogonona obe.Nisibisile yano yobe na kiine gyobe mnda sumbilo lya lyata. ¹¹ Na Gogwe,Mlume, Ushinjibilile uleelelwa obe, Yano yobe na winene obe na chimbise milumbu. ¹² Bululi buubi bwine bushinabalwa bwanyunguluwa nene. Biibi byanyi bwapata, Na nishi huosha umona. Bwahima njuli cha mswe bwanyi, Na mtima gwnyi gwandeya. ¹³ Ee Mlume, ulihe mtima upogonone, Ee Mlume, umbwatiliche abilo. ¹⁴ Badambe mmee, bamone abule hamwechi, bene bali huenga ichuli-chuli yanyi ya mwego baihage. Bagiwichiwe unyuma, badambiwe mmee, Bene balihubenja asusu anyi. ¹⁵ Bashame mmauwa, na abe abule abo, Balihusambila, Gogwe! Gogwe! ¹⁶ Baseelele, bamone saso, Bose balihuenga. Balihubenja uhugononywa obe Balihudogoma abisa, Gatonywe Mlume. ¹⁷ Nene nilimbuchu na msabi, Mlume gwingilaha. Gogwe noo mbwatilicho gyanyi na mmogonochi, Ee Abetcha, ushisinge.