¹ Nahi biya kulungu byagisumonena hamo ngudi cha madi. Byoka biyo ichuli-chulu yanyi ya mwego ilihumonene hamo, Ee Abetcha. ² Ichuli-chulu yanyi ya mwego ili humonena Abetcha yuma, Abetcha ali na mwego, Mengo nai nichwa namoneye umbele gya Abetcha ? ³ Byosochi byanyi bisili iliwa yanyi chuba na busugu, Mengo mabasunganina chuba lyose, Ali uhi Abetcha obe. ⁴ Naengelecha bibyo nabebiya ichili-chuli yanyi ya mwego hululu mnda mwanyi, Nahi byambele hugya na sumbilo, Na ubagolwela u ndu gya Abetcha , Wa lidi lya saso na lya utona, sumbilo lya lusugu lwa sasoo. ⁵ Ichuli-ichuli yanyi ya mwego, Yulu yai naginama, na udidibuwa mnda mwanyi? Umudagile Abetcha ; Bululi nichwa umginuna, Guli uhema wa yenyi yanyi, Na Abetcha anyi. ⁶ Ichuli-chuli yanyi ya mwego yaginama mnda mwanyi, wa bibyo niuengelecha, Utula sii gya Yolodani, na Mahelmoni, na utula loono lwa Mizali. ⁷ Benga lyatela benga bigelegele wa lidi malida lya madi mobe, Imbi ludi yobe yose na mabimbi mobe mose mahita hegulu hanyi. ⁸ Mchuba Mlume gwilaga yano yage, na mpusugu lwimbo lwage lubi nanyi, Ehe, usaba wa Abetcha ali na mwego gwanyi. ⁹ Nimsambila Abetcha, Liwe nyanyi lya lyata yulu yai wangibilila? Yulu yai nilihugya gwamchigililwe, na amangu umonena? ¹⁰ Basusuchi banyi balihutuwa wa mihingu gya umbela mauda manyi, Mwengo ma basusambila chuba lyose, Ali uhi Abetcha obe? ¹¹ Ichuli-chuli yanyi ya mwego, yulu yai uginama na unogeya mnda mwanyi? Umudagile Abetcha; Bululi nichwa umtona, Gee noo uhema wa yenyi yanyi, Na Abetcha anyi.