¹ Ee Mlume, Ugambe na baya malihung'amba nene, Ulwe nabo bene bali hulwa nanyi. ² Ugiwate ngabo na matibula Ugimane na ubwatiliche. ³ Uguhe na sumo ubate bene balihundama, Uisambile ichuli-chuli yanyi ya mwego, Nene nili uhogononywa obe. ⁴ Badambe mme, bamone abule, Bene balihulama ichuli-chuli yanyi ya mwego. Bagiwichiwe unyuma, Badidibulwe, Balihunangila buubi. ⁵ Babe nahi bihupu mengo ma mnaga, Malaikama Mlume gabagwishe hasi. ⁶ Ndila gyabo gibe mdoo na bushe, Malaika ma Mlume gabalame. ⁷ Hene hashi ibao bategela bwila, Hashi ibalo baidabila inaa ichuli-chuli yanyi ya mwego. ⁸ Udoga na umyile wa abilo, Na bwila bwelibisile bumpwate gee mine; Mnda mwa uya udoga gahwe moo. ⁹ Na ichili-chuli yanyi ya mwego yimseelela Mlume, Na utona uhogonona wage. ¹⁰ Mauda manyi mose midogoma, Mlume,Mnanyi guli nahi Gogwe? Usuhonya mbuchu na mtu gwa bita usummima, Ehe, mbuchu na mtu gwusaba guwaswa kole. ¹¹ Ba ubangisiya wa lulimi bagimana, Balihumbucha bitu byandishigidi. ¹² balihundipisha buubi ulingye bisoga, Na ata ichuli-chuli yanyi ya mwego isili mmauwa. ¹³ Haho nene, boo habasuminywe, Bichwalaganywa byanyi bibele maduda. Nilisusule ichuli-chuli yanyi ya mwego wa uhamba nangu uyaa iliwa; Usaba wanyi ungiwilile myaali mwanyi. ¹⁴ Nilibiile nahi genda na mshiwabo, Niginamine na ulila nahi nawilwa na mnage. ¹⁵ Nambo nabehyatala balihuseelela na ulisumbicha, Balisumbiche yulu yanyi batu bandishigidi, Banjigile ndala na bashileile. ¹⁶ Nahi bina wenja balihuseya mengo ma sumbilo balihuhela meeno ma busengi. ¹⁷ Mlume, ata mengi nai wilingamina?Uhugononye ichuli-chuli yanyi ya mwego na bita byabo, Na mmunjwa gwanyi na mwana tambwe. ¹⁸ Niutona mnda sumbilo lya lyata; Niuginuna m batu beengi. ¹⁹ Beene bali tumangu twangi bunene bashimbedule, Bene balihukonywa hashi ibalo bashinyinge. ²⁰ Bululi bashihudogoma binywa bya talala, Na wa yulu ya bahochu ba ibaloo balihulanga ubichana. ²¹ Na bene beli hungaliila tunywa twabo, Balihugana Gogwe! Gogwe! Liso lyetu lyumona. ²² Gogwe, Mlume, wamona, ushishame pii; Ee Mlume ushibe koo nanyi. ²³ Ubwuwe, ube meeso yulu upogonone Wa yulu ya usaba wanyi, Abetcha anyi na Mlume gwanyi. ²⁴ Ukonone wa kiine gyobe, Ee Mlume, Abetcha anyi, Na ushishimange. Bashidogome mmitima, Bina, noo byatulihubenja; Bashigane , Twammina. ²⁶ Badambe mmee, Bamone abule hamwechi, Bene balihuseelela byandhuhitila biibi. Bachwiwe abule na mmee, Balihuliginuna yulu yanyi. ²⁷ Baseelele na uba na saso, Balihubenja kiine gyanyi. Ehe, bagililile udogoma, Mlume gaginunywe, Guya gulihubenja talala gya mgichi gwage. ²⁸ Na lulimi lwanyi lwigana kiine gyobe, Na punda gyoba chuba lyose.