¹ Luhanga lusoga wa guya gwaleelelwa buubi bwage na uhulila bigilinywa biibi. ² Luhanga lusoga wa guya mine Mlume gushihum'bala uhugila, Mine mnda mtima gwage mushi buyanja. ³ Handishamine pii mauda manyi mabele maosu Wa usumwa wangi chuba lyose. ⁴ Bululi chuba na busugu Uboo obe upyilile. Yuda yanyi yaguma na nisibele nahi bitete bya bigumu mengo ma kamo. ⁵ Nusambile buubi bwanyi, Na nishiubisile buhugi bwanyi. Niganine, Nilibecha uhanya wanyi wa Mlume, Gogwe undeelele buhugi bwa buubi bwanyi. ⁶ Wa bibyo msobolwa gegese Gusabe mengo mene mobi hoo. Winene madii mengi mabetupua Mashihiya weli. ⁷ Noo Gogwe businino bwanyi, wimbisa na asusu, Winyungulucha ng'imbo cha uhugononwa. ⁸ Niugigya na uumonya ndila gyoligina; Niuha malango, liiso lyanyi liulingamine. ⁹ Mushibe nahi falasi na nyumbu, Bene bashi na lwenyi. Nahi migochi gya uhamba falasi wanywa na mgochi gwa umunya falasi wagigya Bululi bwa ubachibila babo, nambo bashiuhyile. ¹⁰ Nage mtu m'bii gwihulwa bihulo biingi, Bibyo gwihumdagila Mlume yano yimchunguluwa. ¹¹ Mumseelele Mlume; M'be na saso, benywe batu ba kiine Mute bigelegele bya saso; Benywe bose bene bali na mitima gya gigolobu.