¹ Niusinine Gogwe, Mlume, Nashidambe mmee milumbu. Wa kiine gyobe uponye, ² Utegele litu lyobe, uponye abilo. Ube wandi liwe lya lyata lya uoma, Ndu gyina mgumbo gwa upogononna. ³ Noo Gogwe mmundumuo gwanyi na mmao gwanyi; Wa yulu ya china lyobe unombwele,ukuuse.. ⁴ Wipunya mnda bwila bwabategela wa bubisa, Bululi Gogwe noo mmao gwanyi. ⁵ Mmaboo mobe nagubiya mtima gwanyi; Wakombola, Ee Mlume, Abetcha akiine. ⁶ Nuhubaonywa bene balihuita bishilingye bya lulimi; Bino nene nilihumdagila Mlume. ⁷ Naseelele, nabe na saso lya yano yobe, Yulu wamona asusus anyi. Waimana ichuli-chuli yanyi ya mwego mma asusu, ⁸ Bibyo usambiya mmaboo ma tumangu; Magulu manyi wamagimiya hene hali ihana. ⁹ Ee Mlume, umbwene yano yulu nili mmasusu, Liiso lyanyi lyaama wa yulu ya uhabagana-habagana, Ehe, m'bili gwanyi na ichuli-chuli yanyi ya mwego. ¹⁰ Bululi mwego gwanyi gwasunga yulu ya uchigililwa, Na myaa gyanyi wa usumwa. Uoma wanyi wadanda yulu ya buubi bwanyi, Na mauda manyi maguma. ¹¹ Wa yulu ya basusuchi banyi nisili m'bii, Ehe, ata uli babinji nanyi; Na itu ya umbabula u magenda manyi; Bene bamonine mndila basinine. ¹² Nagibililwa nahi mmu gushiengelechiwe; Nisili nahi ilego yibelebu. ¹³ Yulu nahulicha uchingwa wa beengi; Booba buli ngubi chose. Habahungile yulu yanyi, Baita bwelevu bahunye mwego gwanyi. ¹⁴ Bino nene nahuudagila Gogwe, Mlume, Nagana, Gogwe noo Abetcha anyi. ¹⁵ Mengo manyi mali mmaboo mobe; Uponye na tumangu twanyi, na bebe bali hundama. ¹⁶ Ulamiye mgichi gobe Wa lwenge lwa yenyi yobe; Upogononye wa yulu ya yano yobe. ¹⁷ Ee Mlume, nashidambiwe mmee, yulu nugita; badambiwe mmee bene bashi na kiine, bashame pii. ¹⁸ Milomo gya busongamanya na gichwe tumeme, Hagyimdogomena mtu gwa kiine binywa bya lubedo lwabo, Wa ulihulicha na mnenunana. ¹⁹ Nahi byaili ingi yano yobe Yolibabiile bene bali hunyemya; Yolibagilile basinine oli umbele gya batu! ²⁰ Wiba huulila na mmonywa gwa batu na ubisa wa uba obe; Wibabisamnda mwa hema Na mahindi ma ndimi. ²¹ Mlume gatonywe; yulu gwangilila yano ya bigagicha mmbuga gyina mgumbo. ²² Na nene nidogomine wa abilo abilo anyi, Nahanyiwa koona meeso mobe; Wa bibyo uhuliche lidi lyanyinlya usabila bange Mengo mandiulilile. ²³ Mmunjwe Mlume, Benywe bose bene bali basubolwa bage. Mlume gusubisa bawasha, Gusubaha alambe basugila mnenunana alambwe bee. ²⁴ M'bee na uoma, muliteyamanye mitima, Benywe bene mulihuhemba Mlume.