¹ Mumme Mlume, benywe baana ba Abetcha, Mumme Mlume uggengeda na uoma; ² Mumme Mlume ugengeda wa china lyage; Mumginamine Mlume wa yulu ya ubenda wa buhaha . ³ Lidi lya Mlume lilihegulu ha maadi; Abetcha a ugengeda ata kuba; Mlume guli hegulu ha madii mengi. ⁴ Lidi lya Mlume lili na uoma; Lidi lya Mlume lili na bunyemu; ⁵ Lidi lya Mlume lilihunoga miamba; Ehe, Mlume gulihunoga-noga miamba gya Lebanoni; ⁶ Guli hugigulula-gulula nahi baana ba ng'ombe; Lebanoni na Sirioni nahi mbogo. ⁷ Lidi lya Mlume lilihusanda ndili cha ahyaa; ⁸ Lidi lya Mlume lilihudanja lwanaganywa; Mlume gulihudanja lwanaganywa lwa Kadeshi. ⁹ Lidi lya Mlume lilihubusha nyama, Na ubisula bisowa; Na mnda lubunga lwage Balihugana bose,Ugengeda. ¹⁰ Mlume gushamine hegulu ha Imbi-ludi; Ehe, Mlume gushamine nahi oolo milumbu. ¹¹ Mlume gwibaha batu bage uoma; Mlume gwibahala batu bage mihaa gya talala.