¹ Mlume no lwenge lwanyi na uhogononywa wanyi, Namsine nanyi? Mlume no mmao gwa mwego gwanyi, Nididibwila nanyi? ² Bangila biibi ,habapyile banje nyama chanyi, Basusuchi banyi na tumangu twanyi, Balihyatele nuugwa. ³ Bilume pambwa babelipanga balwe nanyi, Mitima gwanyi gushidanda. Bita byahunjwila, Ata haho niudagila. ⁴ Inywa Imwechi yandihubenja wa Mlume, Naya noo yandienga, Nashame mndu mwa Mlume masugu mose ma mwego gwanyi, Naulingamine ubenda wa Mlume, Na uengelecha mmihwilo yage. ⁵ Mndi wa bibyo gwimbisa mmitula yage lusugu lwa buubi, Gwimbisa m'bubiso bwa hema lyage, Na unginuna hegulu ha liwe lya lyata. ⁶ Wa bino mswe gwanyi gwiginyuwa Heguli jha tumangu twanyi tulihunyunguluwa. Na nene nihana lutangi lwa zabihu lwa saso ii hema lyage; Nigimba, ehe, nimginuna Mlume. ⁷ Ee Mlume, uhuliche, wa lidi lyanyi nihulila, Umbwena yano, ungae. ⁸ Holiganina,Mukenge yenyi yanyi, Mtima gwanyi guusambile, Mlume, yenyi yobe niienga. ⁹ Ushimbise yenyi yobe, Ushilihyenge na mgichi gobe wa sungu. Usili mbwtilicho gyanyi, ushitechi, Na nangu undechi,Ee Abetcha a uhugononywa wanyi. ¹⁰ Tata na mago bandeile, Mndi Mlume gwingaa wage. ¹¹ Ee Mlume, ungigye ndila gyobe,Na ungolwela mndila gya gigolobu; Wa yulu ya bene balihumbisamina; ¹² Ushimbiye u malanga ma basusuchi bamyi, Bululi balisambi ba lulimi bangimena, Nabo balihusamba wa buhulihuli nahi luhuda. ¹³ Nawasha ugana nimona yano ya Mlume, Mmibaloo ya bene bashi na mwego. ¹⁴ Ummembe Mlume, ube na uoma, Ulitoleleche mtima, ehe, ummembe Mlume.