¹ Ee Mlume, ukonone nene, Yulu nagya wa uwilila wanyi, Nene namdagila Mlume hasi adugwa. Ee Mlume, utonde na unungilila; Upahache malanga manyi na mtima gwanyi. ³ Bululi yano yobe ili umbele gya meeso manyi, Na nene nilihugya mnda kiine chobe. ⁴ Nishishamine hamwechi na batu balihugila bibii, Na nishigingila muli balububa umeeso,. ⁵ Naonywa sumbilo lya bagila bibii, Na nishishama hamwechi na batu babii. ⁶ Nilisuwa maboo manyi wa nangu uba na abachi, Na uchunguluwa ha butambikilo bobe, Ee Mlume. ⁷ Yulunalisambe wa lidi lya buswachi, Na ugana migilo gyobe gya bisaga. ⁸ Mlume, nilihubenja bushamo bya ndu gyobe, Na ihana ya bushamo bwa ugengeda obe. ⁹ Ushihumye ichuli-chuli yanyi ya mwego hamwechi na bagila biibi, Na ata mwego gwanyi hamwechi na batu ba mashi. ¹⁰ Mmaboo mabo muli udoga, Na uboo wabo wa ulume wagilula ugeda milomo. ¹¹ Bino nene nigya wa uwilila wanyi; Upogonone na ungitile yano. ¹² Ugulu wanyi wagimana habenju; Mnda mwa masumbilo nimtona Mlume.