¹ Ee Mlume, nuginunina ichuli-chuli yanyi ya mwego, ² Ee Abetcha anyi, Nuudagila Gogwe, nashidambe mme, Tumangu twanyi tushiseelele wa upiima. ³ Ehe, bene balihuhemba bashidamba mme ata gumwechigwabo; bimona abule bene balihugucha ibaloo hashi ibalo. ⁴ Ee Mlume, uumanye madila mobe, Ungigye mahitilo mobe, ⁵ Ungolwele nda mwa kiine gyobe, Na ungigya .Bululi Gogwe noo Abetcha a ohogononywa wanyi, Nihuhemba Gogwe chuba lyose. ⁶ Ee Mlume, uengeleche uleela obe na yano yobe, Yulu ubele utula haya halaa, ⁷ Ushiengeleche buubi bwanyi bwa utula buwa mlongo bwanyi, Ata na uubenga wanyi. Ukengeleche uamana na yano yobe, Ee Mlume wa yulu ya utongelele obe. ⁸ Mlume gwina yano, gwina iubu, Wa bibyo gwibwgigya beene bina buubi ndila. ⁹ Babahichu gwibalombwela u uononywa, Babahochu gwibagigya ndila gyage. ¹⁰ Madila mose ii yano na kiine, Wabo bali bawashe alago age na ubangisiya wage. ¹¹ Ee Mlume, wa yulu ya china lyobe, Undeelele buubi bwanyi, yulu ii bwingi. ¹² Mnanyi gulihumnyemya Mlume? Gwimgigya mndila gyelihusobola; ¹³ Ichuli-chuliyanyi ya mwego yishama mmuba na bitu biingi; Baana bage bihyana ibaloo. ¹⁴ Lubisagulu lya Mlume luli ubaya balihumnyenya, Nage gwibasambila alago age. ¹⁵ Meeso manyi malihumlola Mlume abisa, Nage gwipunya magulu manyi m'bwila. ¹⁶ Uningamine na umbwena keene, Bululi nene ni buchima na nina asusu. ¹⁷ Mnda asusu a mtima gwanyiingitile ihana, Na upunya mnda mwa manyongotela manyi. ¹⁸ Ulingamine asusu anyi na manyongotela manyi, Undeelele buubi bwanyi bose. ¹⁹ Utulingamine tumangu twanyi, yulu ii twingi, Balihukonywa wa mmonywa gwa buhuchi. ²⁰ Uusei chuli-chuli yanyi ya mwego na uuponye, Nashidambe mmee, yulu nausinina Gogwe. ²¹ Uwilila na ulisacha bikuuse, Bululi nuuhemba Gogwe. ²² Ee Abetcha, umkombole Isilaeli, Wa manyongotela mage mose.