¹ Sii na byose bili bigiluchu moo ii bibya bya Mlume, Ibaloo na byose bili bishame mnda mwage. ² Bululi gubiile mishingi gyage hegulu ha bahali, Na hegulu ha ngudi cha madi gubimoninye. ³ Mnanyi gwichina u loono lwa Mlume? Mnanyi gwigimana ha buhaha bwage? ⁴ Mtu gwina maboo mahaha na mtima guhaha, Gushihuginuna ichuli-chulu yage ya mwegowa yulu ya bitu bya bunene, Na gushimlahe wa buubi. ⁵ Gwigaa mihaa wa Mlume, Na kiine wa Abetcha a ohogononywa wage. ⁶ Ino no ibushi ya bene bali hummenga, Balihuenga yenyi yobe, Ee Abetcha a Yakobo. ⁷ Ginunywe miswe gyenyu, gyenywe michabgo, Ginyuwe, gyenywe michango gya milumbu, Mlume gwa ugengeda yulu gagingile. ⁸ Mnanyi Mlume gwa ugengeda? Mlume gwa uoma, gwuosha, Mlume gwuosha gwa bita. ⁹ Ginunywe miswe gyenyu, gyenywe michango, Ehe, Giginunywe, gyenywe michango gya milumbu, Oolo lya ugengeda ligingile. ¹⁰ Mnanyi gono Oolo lya ugengeda? Mlume gwa bilume pambwa, Gee noo Mlume gwa ugengeda.